پوليتسيا قىزمەتكەرلەرىمەن ۇستالعان ەلوردا تۇرعىنى اقىسىنا باسپانا الۋعا كومەكتەسەمىن دەپ ۋادە ەتكەن.
جابىرلەنۋشىلەردىڭ ءبىرى باسپاناعا قۇجاتتاردى تەزدەتىپ رەسىمدەيمىن دەگەنىنە سەنىپ, وعان 100 مىڭ تەڭگە تولەگەن. بۇگىنگى تاڭدا كورسەتكەن قىزمەتى ءۇشىن وعان اقشا تولەگەن 22 ەلوردا تۇرعىنى انىقتالدى. مەملەكەتتىك باعدارلاما بويىنشا پاتەر الۋ ءۇشىن كەزەككە تۇرۋعا كومەكتەسەتىن نۇر-سۇلتان قالاسىنىڭ اكىمدىگىندە تانىستارى بار ەكەندىگى تۋرالى ءوزىنىڭ اڭگىمەلەرىمەن ءۇي الۋعا نيەتتەنگەندەردى كوندىرگەن. بۇدان باسقا, قوسىمشا اقى تولەسە كەزەگىن جىلجىتىپ بەرۋگە ۋادە ەتكەن. جابىرلەنۋشىلەر قىزىعۋشىلىق تانىتىپ, تۋىستارى مەن دوستارىن تارتا باستاعان.
قازىرگى كەزدە كۇدىكتىنىڭ ارەكەتىنەن زارداپ شەككەندەردى انىقتاۋ بويىنشا تەرگەۋ امالدارى جالعاستىرىلۋدا. تەرگەۋ بارىسىندا پوليتسيا قىزمەتكەرلەرى ايەل ادامنىڭ قالالىق اكىمدىككە ەشقانداي قاتىسى جوق, ال پاتەر الۋعا كومەكتەسەتىن تانىستاردى ءوزى ويلاپ تاپقانىن انىقتادى.
قازىرگى كەزدە اتالعان فاكتى بويىنشا قر قك 190-بابى بويىنشا قىلمىستىق ءىس قوزعالدى. ۇستالعان ايەل ادام ۋۇي-عا قاماۋعا الىندى. تەرگەۋ امالدارى جۇرگىزىلۋدە.
اتالعان تۇلعانىڭ ارەكەتىنەن زارداپ شەككەن جاعدايدا بەيبىتشىلىك,19 مەكەنجايى بويىنشا نۇر-سۇلتان قالاسى پوليتسيا دەپارتامەنتىنە جۇگىنۋدى نەمەسە 71-66-40, 71-66-33, 71-66-76, 71-66-10, 8-701-239-60-00 تەلەفوندارىنا قوڭىراۋ شالۋدى سۇرايمىز.
