سينوپتيكتەردىڭ حابارلاۋىنشا, بۇگىن ەلىمىزدىڭ باسىم بولىگىندە اۋا رايى جاۋىن-شاشىنسىز بولادى. رەسپۋبليكانىڭ تەك سولتۇستىك-شىعىسىندا, شىعىسىندا, وڭتۇستىك-شىعىسىندا نايزاعاي مەن جاڭبىر بولجانادى. جەكەلەگەن وڭىرلەردە جەلدىڭ كۇشەيۋى, داۋىل, تۇمان كۇتىلەدى, شىعىستا بۇرشاق جاۋى ىقتيمال.
جامبىل وبلىسىنىڭ كەي جەرلەرىندە تۇمان, داۋىل كۇتىلەدى, جەل 15-20 م/س كۇشەيەدى. شىعىس قازاقستان وبلىسىنىڭ كەي جەرلەرىندە داۋىل كۇتىلەدى, جەلدىڭ ەكپىنى كۇندىز 23 م/س ارتادى, بۇرشاق جاۋى ىقتيمال. تاڭەرتەڭ جانە كۇندىز قىزىلوردا, كۇندىز تۇركىستان, اتىراۋ, باتىس قازاقستان, قاراعاندى وبلىستارىنىڭ كەي جەرلەرىندە جەل 15-20 م/س كۇشەيەدى.
تۇندە جانە تاڭەرتەڭ سولتۇستىك قازاقستان وبلىسىنىڭ كەي جەرلەرىندە تۇمان, كۇندىز ماڭعىستاۋ وبلىسىنىڭ كەي جەرلەرىندە شاڭدى داۋىل كۇتىلەدى.
قىزىلوردا وبلىسىندا, تۇركىستان وبلىسىنىڭ كەي جەرلەرىندە, اتىراۋ, جامبىل, الماتى, باتىس قازاقستان وبلىستارىنىڭ وڭتۇستىگىندە, قاراعاندى وبلىسىنىڭ وڭتۇستىك-باتىسىندا توتەنشە ءورت قاۋپى كۇتىلەدى.
