داۋلەسكەر كۇيشى, تالانتتى كومپوزيتوردىڭ توقسان بەس جىلدىق مەرەيتويىنا وراي ەلىمىزدە ءتۇرلى شارا قولعا الىنا باستادى. سونىڭ ءبىرى – Ruh.kz پورتالى باستاعان قازاقتىڭ ايگىلى كۇيشىسى, كسرو حالىق ءارتىسى, حالىق قاھارمانى نۇرعيسا تىلەنديەۆتىڭ 95 جىلدىعىنا ارنالعان كۇي ەستافەتاسى دەۋگە بولادى. بۇل تۋرالى «رۋحاني جاڭعىرۋ» قازاقستاندىق قوعامدىق دامۋ ينستيتۋتى حابارلاعان بولاتىن.
ەستافەتانى حالىكارالىق كونكۋرستاردىڭ لاۋرەاتى سايىرحان ەرتىس پارلامەنت ءماجىلىسىنىڭ دەپۋتاتى نۇرتاي سابيليانوۆقا, قۇرمانعازى اتىنداعى قازاق ۇلتتىق كونسەرۆاتورياسىنىڭ رەكتورى ارمان جۇدەباەۆقا, قازاقستاننىڭ ەڭبەك سىڭىرگەن قايراتكەرى مەيرامبەك بەسپاەۆقا, «دارىن» مەملەكەتتىك جاستار سىيلىعىنىڭ لاۋرەاتى مۇراگەر ساۋرانباەۆ, باعىلان ابدرايىموۆ, ەردوس قاناەۆ جانە حالىقارالىق كونكۋرستاردىڭ لاۋرەاتى جانىبەك قازبەك ۇلىنا جولدايدى. ەستافەتا بارىسى Ruh.kz پورتالىندا, ونىڭ الەۋمەتتىك جەلىلەرىندەگى پاراقشالارىندا حابارلانىپ وتىرادى.
سايىرحان ەرتىس ءوز ەستافەتاسىن نۇرعيسا تىلەنديەۆتىڭ «جەكپە-جەك» كۇيىن ورىنداپ ۇسىندى.
