25 جىل بۇرىن بۇكىلحالىقتىق رەفەرەندۋمدا ەلدىڭ نەگىزگى زاڭى قابىلداندى. كونستيتۋتسيا دەموكراتيالىق دامۋ باعىتىن ايقىنداپ, قۇقىقتىق جۇيەنىڭ وزەگىنە جانە جالپىۇلتتىق بىرلىك پەن كەلىسىمگە نەگىزدەلگەن مەملەكەتتىك قۇرىلىمدى زامانعا ساي قۇرۋدىڭ جاڭا بەلەسىنە اينالدى.
مەرەيتويدى اتاپ وتە وتىرىپ, ءبىز وسى كەزەڭدە بولعان اۋقىمدى تاريحي وزگەرىستەردى كورىپ وتىرمىز. تۇڭعىش پرەزيدەنت – ەلباسىنىڭ سارابدال ساياساتىنىڭ ارقاسىندا مەملەكەتتىلىكتىڭ نەگىزدەرى تۇبەگەيلى نىعايتىلدى.
بۇگىنگى تاڭدا قازاقستان – اشىق نارىقتىق ەكونوميكاسى بار, مەملەكەتتىك قۇرىلىستىڭ جاڭا كەزەڭىندە ستراتەگيالىق ساباقتاستىقتى قامتاماسىز ەتە وتىرىپ, قوعام ءومىرىنىڭ بارلىق سالالارىن جاڭعىرتۋ باعدارلامالارىن ىسكە اسىرۋشى مەملەكەت رەتىندە بۇكىل الەمدىك قاۋىمداستىقپەن مويىندالعان جانە لايىقتى قۇرمەتكە يە ەل.
كونستيتۋتسيادا جاريالانعان شىنايى قازاقستاندىق قۇندىلىقتاردى قورعاۋ جانە ونىڭ نورمالارىن مۇلتىكسىز ساقتاۋدى قامتاماسىز ەتۋ – الەۋمەتتىك-ەكونوميكالىق جانە مادەني-گۋمانيتارلىق باعىتتاعى ودان ءارى تابىستى دامۋدىڭ كەپىلى.
ارداقتى اعايىن! كونستيتۋتسيا مەن قازاقستان حالقى اسسامبلەياسىنىڭ مەرەيتويلارى ارقاشان بىرگە اتاپ ءوتىلۋىنىڭ سيمۆولدىق ءمانى بار. ولار وتكەن ۋاقىتتىڭ سىن-تەگەۋرىندەرىنە جاۋاپ رەتىندە ءبىر جىلدا پايدا بولدى جانە باستى ماقسات – قازاقستاننىڭ ءبىرتۇتاس حالقىن توپتاستىرۋ جانە بىرىكتىرۋ ماقساتىنا قول جەتكىزۋگە مۇمكىندىك بەردى.
كونستيتۋتسيا كۇنى ارقاشان ءپاتريوتيزمنىڭ جانە وتانعا دەگەن سۇيىسپەنشىلىگىمىزدىڭ سيمۆولى بولسىن!
بارشاڭىزعا مىقتى دەنساۋلىق, تابىس, ىنتىماق جانە بەرەكە-بىرلىك تىلەيمىز!
قازاقستان حالقى اسسامبلەياسى
