وقيعا • 28 تامىز، 2020

جەمقورلىققا قارسى كۇرەس تەتىكتەرى قارالدى

3 رەت كورسەتىلدى

مەملەكەتتىك حاتشى قىرىمبەك كوشەرباەۆتىڭ توراعالىعىمەن ونلاين رەجىمدە قازاقستان رەسپۋبليكاسى پرەزيدەنتى جانىنداعى سىبايلاس جەمقورلىققا قارسى ءىس-قيمىل ماسەلەلەرى جونىندەگى كوميسسيانىڭ وتىرىسى ءوتتى.

وتىرىستا ەكى ماسەلە تالقى­لاندى: «مەملەكەتتىك ورگاندار قا­بىلداپ جاتقان كولەڭكەلى ەكونو­ميكاعا قارسى ءىس-قيمىل جونىن­دەگى شارالاردىڭ تيىمدىلىگى تۋرا­لى» جانە «مەملەكەتتىك باقىلاۋ مەن قاداعالاۋدى ودان ءارى جەتىل­دىرۋ، باقىلاۋ وبەكتىلەرىن موني­تو­رينگتەۋدىڭ ءتيىمدى تەتىكتەرىن جانە بۇزۋ­شىلىقتاردى انىقتاۋدىڭ پار­مەندى ولشەمشارتتارىن ەنگىزۋ».

جيىندا ۇلتتىق بانكتىڭ، باس پرو­كۋراتۋرانىڭ، سىبايلاس جەمقور­لىققا قارسى ءىس-قيمىل اگەنتتى­گىنىڭ، قارجى نارىعىن رەتتەۋ جانە دامىتۋ اگەنتتىگىنىڭ، قارجى، ۇلت­تىق ەكونوميكا، دەنساۋلىق ساقتاۋ مينيسترلىكتەرىنىڭ ءبىرىنشى باس­شى­لارىنىڭ، سونداي-اق كاسىپ­كەر­لەردىڭ قۇقىقتارىن قورعاۋ جو­نىندەگى ۋاكىلدىڭ باياندامالارى تىڭدالدى.

ءبىرىنشى ماسەلەنى قاراۋ كەزىن­دە كولەڭكەلى ەكونوميكانىڭ مەملە­كەتتەردىڭ دامۋىنا تەرىس اسەرى، ولاردىڭ ەكونوميكالىق قاۋىپسىز­دىگىنە قاتەر ءتونۋى جانە سىبايلاس جەمقورلىق كورىنىستەرىمەن تىعىز ءوزارا بايلانىسى تالقىلاندى.

اتاپ ايتقاندا، جەكەلەگەن ساراپ­تامالىق باعالاۋلار بويىنشا ەلى­مىزدە كولەڭكەلى ەكونوميكانىڭ كولەمى ءىجو-ءنىڭ 20%-نان اسادى. وسىعان بايلانىستى ونى تومەن­دەتۋ بويىنشا بىرقاتار شارالار قا­بىلدانۋدا، ونىڭ ىشىندە، 2019-2021 جىلدارعا ارنالعان كو­لەڭكە­لى ەكونوميكاعا قارسى ءىس-قيمىل جونىندەگى قابىلدانعان ءىس-شارا­لار جوسپارى، سالىقتىق جانە كە­دەندىك اكىمشىلەندىرۋدى جەتىلدىرۋ، مەملەكەتتىك ساتىپ الۋعا قاتى­سۋ­شىلاردى قازىناشىلىق سۇيەمەل­دەۋدى ەنگىزۋ، قولما-قول اق­شا­سىز تولەمدەردىڭ ينفراقۇ­رى­لىمىن دامىتۋ ماسەلەلەرى قولعا الىنعان.

مەملەكەت باسشىسىنىڭ تاپسىرماسىن ىسكە اسىرۋ شەڭبەرىندە جەكە جانە زاڭدى تۇلعالاردىڭ شوتتاردان قولما-قول اقشا الۋ ءۇشىن سومالاردىڭ شەكتەرىن بەلگىلەگەن نورماتيۆتىك قۇقىقتىق اكتىلەر قابىلداندى.

قولما-قول اقشاسىز تولەمدەردى پايدالانۋدى كەڭەيتۋ جانە بانكتىك ەمەس تولەم جۇيەلەرىن دامىتۋ جونىن­دەگى 2020-2021 جىلدارعا ارنالعان جول كارتاسى بەكىتىلدى.

قۇقىق قورعاۋ جانە ارنايى ورگان­دار جەدەل الدىن الۋ ءىس-شارا­لارىن جانە كولەڭكەلى ەكونو­ميكاعا قارسى ءىس-قيمىل جونىن­دەگى بىرلەسكەن جوس­پاردى ىسكە اسىرۋدا. قابىلدانعان شارالار بولشەك سەكتوردا قولما-قول اقشاسىز تولەمدەردىڭ وسۋىنە قول جەتكىزدى. سونىمەن قاتار جىل سايىن اقشالاي قاراجاتتى قولما-قول اقشاعا اينالدىرۋدىڭ جيىنتىق كولەمى وسۋدە.

وسىعان بايلانىستى پرەزي­­-
دەنت­تىڭ «يگىلىك بارشاعا! ساباق­تاس­تىق. ادىلدىك. ورلەۋ» سايلاۋالدى باعدارلاماسى مەن «بىرگە» جال­پى­ۇلتتىق اكتسياسى بارىسىندا الىن­عان ۇسىنىستاردى ىسكە اسىرۋ جو­نىندەگى شارالار ءىس-قيمىل جوسپارىمەن مەملەكەتتىك ورگانداردىڭ ال­دىنا كولەڭكەلى ەكونوميكا دەڭ­گە­يىن 2021 جىلعا قاراي ەىدۇ ەل­دە­رى­نىڭ كورسەتكىشىنە دەيىن، ياعني 15-17%-عا تومەندەتۋ مىندەتى قويىل­دى.

ەكىنشى ماسەلەنى قاراۋ كەزىندە ونىڭ كاسىپكەرلەردىڭ قۇقىقتارىن قورعاۋ سالاسىمەن تىعىز بايلانىسى اتاپ ءوتىلدى، ونىڭ شەڭبەرىندە ۇل­كەن ماقساتتى جۇمىس جۇرگىزىلۋدە، ال 2019 جىلعى 11 جەلتوقساندا بيز­نەستى زاڭسىز اكىمشىلىك قىسىمنان جانە قىلمىستىق قۋدالاۋ قاۋپى­نەن قورعاۋ پروبلەمالارى پرە­زي­دەنت جانىنداعى سىبايلاس جەمقور­لىققا قارسى ءىس-قيمىل ماسەلەلەرى جونىندەگى كوميسسيانىڭ وتىرىسىندا قارالدى.

مەملەكەتتىك باقىلاۋ جانە قادا­عالاۋ جۇيەسىن جاڭعىرتۋ قازاق­ستان رەسپۋبليكاسىنىڭ 2025 جىلعا دەيىنگى ستراتەگيالىق دامۋ جوس­پارىندا، كاسىپكەرلىك قىزمەتتى مەم­لەكەتتىك رەتتەۋدىڭ 2020 جىلعا دەيىنگى تۇجىرىمداماسىندا جانە «تسيفرلىق قازاقستان» مەملەكەتتىك باعدارلاماسىندا كوزدەلگەن.

بۇل باعدارلامالىق قۇجاتتار تەكسەرۋلەردى قىسقارتۋدى، باقىلاۋ فۋنكتسيالارىنىڭ قايتالانۋىن بولدىرماۋدى، تاۋەكەلدەردى باس­قارۋ جۇيەلەرىن اۆتوماتتاندىرۋ­دى، انىقتاۋ مەن جازالاۋدان الدىن الۋعا جانە رەتتەۋشىلىك تالاپتار­دى ەرىكتى ورىنداۋعا قايتا باعدار­لاۋدى جانە باسقالاردى كوزدەيدى.

قابىلدانعان شارالاردىڭ بار­لىق سپەكترى كوپجىلدىق، ەسكىر­گەن پراكتيكانى، سونداي-اق مەم­لەكەتتىك باقىلاۋ جانە قاداعالاۋ سالاسىنداعى كوزقاراستار مەن تاسىلدەردى ايتارلىقتاي وزگەرتۋگە مۇمكىندىك بەردى.

سونىمەن قاتار ولار اتالعان سالادا جەتىلدىرۋدى قامتاماسىز ەتۋ ءۇشىن ءالى دە جەتكىلىكسىز، ال تسيفرلاندىرۋ سالاسىنداعى پروگرەسس بيزنەس-سۋبەكتىلەردىڭ قىزمەتىنە ارالاسپاي مونيتورينگتىڭ ءتيىمدى تەتىكتەرىن ەنگىزۋگە مۇمكىندىك بەرەدى.

سونداي-اق قارالاتىن ماسەلەنىڭ وزەكتىلىگىن كاسىپكەرلەردىڭ پرەزي­دەنت اكىمشىلىگىنە ءتۇسىپ جاتقان شا­عىمدارى، «اتامەكەن» ۇلتتىق كاسىپ­كەرلەر پالاتاسى مەن بيزنەس-ومبۋد­سمەننىڭ پوزيتسيالارى كۋالان­دىرادى.

وتىرىس قورىتىندىسى بويىن­شا مەملەكەتتىك حاتشى ق.كو­شەر­باەۆ كولەڭكەلى ەكونوميكاعا ءتيىستى قارسى ءىس-قيمىلدى قامتاماسىز ەتۋ، سونداي-اق مەملەكەت باسشىسىنىڭ تالاپتارى مەن باعدارلامالىق قۇ­جاتتار اياسىندا مەملەكەتتىك باقى­لاۋ مەن قاداعالاۋدى جەتىلدىرۋ جونىندە تاپسىرمالار بەردى.

سوڭعى جاڭالىقتار

جارىس پەن تابىس

ەكونوميكا • بۇگىن، 00:00

اقىلدىڭ ازابى

تاريح • كەشە

مەيرامحانالار جانە پاندەميا

كوروناۆيرۋس • كەشە

جۇرت جاعاجاي ىزدەپ ءجۇر

ايماقتار • كەشە

ۇقساس جاڭالىقتار