«بۇل پروتسەدۋرا اۋرۋدىڭ سوڭعى ساتىسىندا قولدانىلاتىن بولسا, ونى «عاجايىپ ەم» دەپ ساناۋعا بولمايدى. مۇنداي جاعدايدا دەرت جەڭىلدەيدى دەپ ۇمىتتەنۋ قاتەلىك. قان پلازماسىن كەشىكتىرىپ, دەرتتى اسقىندىرىپ بارىپ قابىلداۋ جاعدايدى قيىنداتىپ جىبەرۋى مۇمكىن» دەدى كارا.
تۇركياداعى كوروناۆيرۋسپەن اۋىراتىن ناۋقاستاردى قاندى وتتەگىمەن قانىقتىرۋ ارقىلى ەمدەيدى.
ايتپاقشى, تامىز ايىنىڭ باسىنان بەرى كوۆيدتى قان پلازماسىمەن ەمدەۋگە بايلانىستى كوزقاراستار ەكىگە بولىنە باستاعانىن بايقاپ قالدىق. «تامىزدىڭ اياعىندا اقش-تىڭ ازىق-ت ۇلىك جانە ءدارى-دارمەكتەر باسقارماسى (FDA) COVID-19 ەمدەلۋشىلەرىنە قان پلازماسىن قۇيۋعا رۇقسات بەرگەنى حابارلانعان بولاتىن. بۇل قادامدى امەريكا پرەزيدەنتى دونالد ترامپ ماقۇلدادى» دەپ حابارلايدى Bloomberg.
The New York Times مالىمەتىنشە, قان پلازماسىن كوروناۆيرۋس جۇقتىرىپ, اۋرۋدان ايىققاندار تاپسىرا الادى. ياعني, ولار باسقا دا اۋىرىپ جاتقاندارعا دونور بولادى. ول ءۇشىن اۋرۋدان جازىلعان ادام 14 كۇن وقشاۋلانىپ, كەيىن عانا قان پلازماسىن تاپسىرا الادى. سول كەزدە دونوردىڭ باسقا ادامدارعا ۆيرۋس جۇقتىرۋ قاۋپى جوعالادى ەكەن.
Community Blood Center مەديتسينالىق ديرەكتورى دجەيمس الەكساندر Dayton Daily News-كە بەرگەن سۇحباتىندا "COVID-19 جۇقتىرعان ادامنىڭ پلازماسىندا ينفەكتسيامەن كۇرەسەتىن انتيدەنەلەر بار. COVID-19 سىناماسى وڭ ناتيجەسى كورسەتىپ, ەكى اپتا ىشىندە بارلىق سيمپتومنان قۇتىلۋ كەرەك" ەكەنىن ايتقان. دارىگەر قان پلازماسىن تاپسىراتىن ادامنىڭ وسى شارتتارعا سايكەس كەلەتىنىن انىقتاۋى كەرەك. سونداي-اق, دجەيمس الەكساندر دا ەمدەۋدىڭ مۇنداي ءتۇرى دەرتتىڭ باستاپقى كزەدەرىندە عانا ەم بولادى.
ددۇ اپتا باسىندا كوروناۆيرۋسپەن اۋىرىپ جاتقان ادامداردى جازىلىپ شىققانداردىڭ قان پلازماسىمەن ەمدەۋ – تاجىريبەلىك ءادىس دەگەن شەشىمگە كەلگەنىن 24 kz حابارلادى. سەبەبى كلينيكالىق سىناق تۇرعىسىنان ونىڭ تيىمدىلىگى ءالى دالەلدەنبەگەن.
بۇل مالىمدەمەنى ۇيىم ماماندارى اقش-تىڭ جۋىرداعى شەشىمىنە بايلانىستى جاساپ وتىر. ددسۇ-نىڭ باس عىلىمي قىزمەتكەرى سۋميا سۆاميناتان كوروناۆيرۋستىق ينفەكتسيانى پلازمامەن ەمدەۋگە قاتىستى كلينيكالىق سىناق جۇمىستارى قازىر بۇكىل الەم بويىنشا ءجۇرىپ جاتقانىن ايتادى. بىراق بىرنەشەۋى عانا وڭ ناتيجەمەن اياقتالعان. سەبەبى ءار ادامنىڭ اعزاسىندا انتيدەنە ءار ءتۇرلى دەڭگەيدە قالىپتاسادى. «سوندىقتان, دەرت اسقىنعان جاعدايدا قان پلازماسىن قۇيۋ ارقىلى ناۋقاستى امان الىپ قالامىز دەپ تۇجىرىم جاساۋ ءالى ەرتە» دەيدى ددۇ ماماندارى.
