بيىل ديقاندار 9 277 گەكتار جەرگە قاۋىن, 831 گەكتار جەرگە قاربىز ەككەن. بۇگىنگە دەيىن جالپى باقشادان 297 559 توننا ءونىم الىندى. ونىڭ ىشىندە 236 010 توننا قاۋىن, 61 549 توننا قاربىز وندىرىلگەن. ەلىمىزدىڭ ىشكى نارىعىنا 14 878 توننا ءونىم جىبەرىلىپ, قالعان ونىمدەردىڭ بارلىعى شەتەل اسۋدا.
اۋدانىمىزداعى "قازاق ماقتا شارۋاشىلىعى" عىلىمي زەرتتەۋ ينستيتۋتى تاراپىنان وسىرىلگەن قاۋىننىڭ "جيەنبەت", "ۆالەت" سياقتى ءسورتتارىنىڭ دامى ءتىل ۇيىرەدى جانە تاسىمالداۋعا ءتوزىمدى. ياعني, ۇزاق جولعا بەيىمدەلگەن. كولەمى دە ىڭعايلى, ءبىر قوراپقا 6-7 قاۋىن سىيادى. ءدامى ءتىل ۇيىرەتىن جاڭا سورتتاردىڭ ارقاسىندا سوڭعى جىلدارى ماقتاارالدىق ديقاندار ۇلكەن تابىس تاۋىپ, كۇللى رەسەي مەن ەۋروپانىڭ نارىعىن جاۋلاپ الدى. سونداي-اق, باسەكەلەستىك ورتادا جەرلەستەرىمىز وزبەكستان مەن تۇركىمەنستان ەلدەرىنە دە دەس بەرمەي كەلەدى.
قازىرگى تاڭدا ماقتاارال اۋدانىنىڭ كىرەبەرىسىندەگى لوگيستيكالىق ورتالىق جۇك كولىكتەرىنە لىق تولعان. ەۋروپادان جانە باسقا دا ەلدەردەن كەلگەن كاسىپكەرلەر ءۇشىن ورتالىقتا بارلىق جاعداي جاسالعان. اتاپ ايتقاندا, قوناق ءۇي, كافە, اۆتوتۇراق, باسسەين كەشەنى مەن قوسالقى بولشەك دۇكەنىنىڭ قىزمەتتەرى قاراستىرىلعان. سونداي-اق, كوكونىس ساقتاۋ قويماسى دا ىسكە قوسىلدى.
وسىلايشا قاۋىن-قاربىز بيزنەسى - ماقتاارال اۋدانىندا تۇتاس ءبىر يندۋستريانىڭ دامۋىنا جول اشىپ وتىر.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
