تويىمسىز جاندار وسىلاي ءبىر كۇندە ءۇش دۇكەندى توناپتى. پوليتسياعا تۇسكەن ارىزدا بارلىق ءۇش قىلمىستىڭ دا ستسەناريى ءبىر بولعان. بىراق كۇدىكتىلەردىڭ ايلاسى ىسكە اسپادى. ولار بەتپەردەنى بەتىن جاسىرا كيگەنىمەن باقىلاۋ كامەرالارىنداعى سۇلبالارىن ۇلكەيتىپ, ناقتىلاعاندا كىمدەر ەكەنى ءبارىبىر كورىنىپ قالدى. ورگتەحنيكانىڭ مۇنداي مۇمكىنشىلىگى بارىن كۇدىكتىلەر سەزبەگەن سياقتى.
پەتروپاۆل قالاسى ەكىنشى پوليتسيا ءبولىمىنىڭ قىزمەتكەرلەرى ۇرىلاردىڭ ءبىرى بۇرىن سوتتالعان «جۇمىسشى كەنتىنىڭ» 30 جاستاعى تۇرعىنى ەكەنىن انىقتاعان. ونىڭ قايدا, كىممەن جولداس بولىپ جۇرگەنى انىقتالعان سوڭ پوليتسيا ولاردى ەكىنشى سىبايلاسىنىڭ ۆوكزال ماڭىنداعى پاتەرىنەن ۇستادى. قازىر ولاردىڭ ۇستىنەن قىلمىستىق كودەكستىڭ «توناۋ» اتتى 191 بابى بويىنشا ءىس قوزعالىپ, تەرگەۋ جۇرگىزىلۋدە.
