ءىس-شارانى اشا وتىرىپ, قاۋىمداستىق توراعاسى ق.ءمامي ارىپتەستەرىن ازيالىق قۇرىلىمنىڭ 10 جىلدىعىمەن قۇتتىقتادى. «وسى جىلدار ىشىندە قاۋىمداستىق ادام قۇقىقتارىن قورعاۋ, دەموكراتيا جانە قۇقىق ۇستەمدىگى ىسىندە ونىڭ مۇشەلەرىنىڭ كۇش-جىگەرىن بىرىكتىرەتىن بەدەلدى وڭىرلىك ۇيىم رەتىندە قالىپتاستى. وسى جەتىستىكتەردىڭ بارلىعى ءبىزدىڭ دوستىعىمىز بەن سىندارلى ءوزارا ءىس-قيمىلىمىزدىڭ ناتيجەسىندە مۇمكىن بولدى», دەدى ق.ءمامي.
قاۋىمداستىق مۇشەلەرى اتالعان ۇيىمنىڭ جارعىسىنا تسيفرلى تەحنولوگيالاردى قولدانۋ ارقىلى حاتتامالىق ءىس-شارالاردى وتكىزۋ ءتارتىبىن قاراستىراتىن تۇزەتۋلەر ەنگىزۋ تۋرالى شەشىم قابىلدادى. ۇيىمنىڭ قۇرامىنا بانگلادەشتىڭ جوعارعى سوتى كىردى, ول قاۋىمداستىقتىڭ ون توعىزىنشى مۇشەسى بولدى.
جەكە سەسسيا قاۋىمداستىقتىڭ الداعى كونستيتۋتسيالىق سوت تورەلىگى جونىندەگى دۇنيەجۇزىلىك كونفەرەنتسيانىڭ 5-ءشى كونگرەسىنە قاتىسۋ ماسەلەلەرىنە ارنالدى. دەلەگاتسيالار بايانداماشىلاردى ۇسىنۋدى جانە دۇنيەجۇزىلىك كونگرەسس اياسىندا قاۋىمداستىق وتىرىسىن وتكىزۋدى شەشتى.
قىزمەتتىڭ باسىم باعىتى ەۋروپا كەڭەسىنىڭ ۆەنەتسيالىق كوميسسياسىمەن جانە كونستيتۋتسيالىق-قۇقىقتىق ماسەلەلەرگە مامانداندىرىلعان باسقا دا قاۋىمداستىقتارمەن ىنتىماقتاستىقتى دامىتۋ. وسى ماقساتتا تىكەلەي ەفيردە كونستيتۋتسيالىق باقىلاۋ ورگاندارىنىڭ ەۋرازيالىق قاۋىمداستىقپەن ىنتىماقتاستىق تۋرالى مەموراندۋمعا قول قويىلدى.
تاراپتار قاۋىمداستىقتىڭ قۇرىلىمدىق بولىمشەلەرىنىڭ: جوسپارلاۋ جانە ۇيلەستىرۋ جونىندەگى حاتشىلىقتىڭ (يندونەزيا), عىلىمي زەرتتەۋلەر جانە دامۋ جونىندەگى حاتشىلىقتىڭ (وڭتۇستىك كورەيا) جانە ادامي رەسۋرستاردى وقىتۋ جانە دامىتۋ ورتالىعىنىڭ (تۇركيا) قىزمەتى تۋرالى اقپاراتتاردى تىڭدادى.
قاۋىمداستىقتىڭ بارلىق مۇشەلەرى قازاقستان رەسپۋبليكاسى كونستيتۋتسياسىنىڭ 25 جىلدىعىنا ارنالعان ء«ححى عاسىر كونستيتۋتسياسى – قۇقىق ۇستەمدىگى, ادام قۇندىلىعى جانە مەملەكەتتىڭ تيىمدىلىگى» اتتى حالىقارالىق كونفەرەنتسيانى وتكىزۋدە قازاقستاننىڭ كونستيتۋتسيالىق كەڭەسىنە قولداۋ ءبىلدىردى. ولاردىڭ پىكىرىنشە, قازىرگى زامانعى سىن-قاتەرلەر, سونىڭ ىشىندە كوروناۆيرۋستىق پاندەميامەن بايلانىستى ماسەلەلەر كوپتەگەن تۇيتكىلگە جاۋاپ ىزدەۋ تۇرعىسىنان قۇقىقتىق بازانى تەرەڭ ءتۇسىنۋ قاجەتتىلىگىن تۋىنداتتى.
وتىرىسقا ازەربايجان, اۋعانستان, ءۇندىستان, يندونەزيا, كورەيا, قىرعىزستان, مالايزيا, مالديۆ, ميانما, موڭعوليا, پاكىستان, رەسەي, تاجىكستان, تايلاند, تۇركيا جانە وزبەكستان كونستيتۋتسيالىق ادىلەت ورگاندارىنىڭ دەلەگاتسيالارى قاتىستى. قوناق رەتىندە كونستيتۋتسيالىق سوت تورەلىگى جونىندەگى دۇنيەجۇزىلىك كونفەرەنتسيانىڭ باس حاتشىسى شنۋتس ديۋرر مىرزا قاتىستى.
