ايماقتار • 26 تامىز، 2020

ارالىق ناتيجەدە ءبىلىم سالاسى وكىلدەرى بەلسەندىلىگىن كورسەتتى

28 رەت كورسەتىلدى

"Nur Otan" پارتياسىنىڭ سولتۇستىك قازاقستان وبلىستىق فيليالىندا پرايمەريزدىڭ العاشقى 10 كۇنىنىڭ ارالىق قورىتىندىسى شىعارىلدى. وسى ۋاقىت ىشىندە ءوڭىر بويىنشا 600-گە جۋىق ادام قاتىسۋعا ءوتىنىم بەردى، دەپ حابارلايدى Egemen.kz

ۇمىتكەرلەردى ۇسىناتىن جانە تىركەيتىن ءبىرىنشى كەزەڭ 17 تامىزدا باستالدى. وسى كەزدە قازىرگە دەيىن ءبىلىم جانە عىلىم سالاسىنىڭ وكىلدەرى ەڭ بەلسەندى بولىپ، ولاردان 270-تەن استام ءوتىنىم كەلىپ ءتۇستى. پارتياىشىلىك ىرىكتەۋ ءۇشىن قۇجات تاپسىرۋشىلار اراسىندا 35 جاسقا دەيىنگى جاستار شامامەن 30% قۇرايدى.

«پرايمەريزگە قاتىسۋشىلاردىڭ 40% - ايەلدەر. جاس مولشەرى بويىنشا 35-تەن 50 جاسقا دەيىنگى ءوتىنىم بەرۋشىلەردىڭ ۇلەسى 42%. قاتىسۋشىلاردىڭ 270-ءى ءبىلىم بەرۋ، 70-ءى شاعىن جانە ورتا بيزنەس، 52-ءى اۋىل شارۋاشىلىعى سالاسىنىڭ  قىزمەتكەرلەرى. ۇمىتكەرلەر قاتارىندا قىزمەت كورسەتۋ، دەنساۋلىق ساقتاۋ، سپورت جانە مادەنيەت سالاسىنىڭ وكىلدەرى دە بار»، - دەيدى «Nur Otan» پارتياسى سقوف توراعاسىنىڭ ءبىرىنشى ورىنباسارى اسەم راحمەتوۆا.

دەپۋتات بولۋعا ءوڭىردىڭ 8 كوپبالالى انالارى دا نيەت ءبىلدىردى. ولاردىڭ اراسىندا جامبىل اۋدانىنىڭ تۇرعىنى ساۋلە سۇراعانوۆا بار. ايەلدىڭ ايتۋىنا قاراعاندا ول وتباسىلاردىڭ مۇددەلەرىن العا تارتقىسى كەلەدى. بەس بالانىڭ اناسى وزەكتى ماسەلەلەر تۋرالى جاقسى بىلەدى، ويتكەنى ول الەۋمەتتىك قامسىزداندىرۋ ءبولىمىنىڭ باسشىسى بولىپ جۇمىس ىستەيدى. «مەنىڭ ۇسىنىسىمنىڭ ماقساتى – حالىقتىڭ، ونىڭ ىشىندە كوپ بالالى وتباسىلاردىڭ مۇددەلەرىن قورعاۋ. سەسسيالاردا اۋدانداردىڭ وزەكتى ماسەلەلەرىن كوتەرۋ ءۇشىن، وبلىستىق ماسليحاتقا بارعىم كەلەدى. بۇل حالىقتىڭ ءومىرىن جاقسارتۋ ءۇشىن ماڭىزدى»، - دەدى ۇمىتكەر.

جاستار وكىلدەرى دە جاڭا يدەيالارىمەن پرايمەريزگە قاتىسۋدا. مىسالى، ستۋدەنت زامزاگۇل جۇماتوۆا پەتروپاۆلداعى «جۇمىسشى كەنتىنىڭ» ماسەلەلەرىن شەشۋگە ۇمىتتەنەدى.

سولتۇستىك قازاقستان وبلىسى

 

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار