قوعام • 26 تامىز، 2020

ەلوردالىق وقۋشىلار كەڭسە تاۋارلارىن تەگىن الدى

22 رەت كورسەتىلدى

بيىلعى جىلى 1 قىركۇيەككە ارنالعان ءداستۇرلى جيىن بولمايتىنى جانە كوپتەگەن وقۋشىلار ءۇشىن ءبىرىنشى توقسان قاشىقتىق فورماتتا وتەتىنى بەلگىلى.وقۋ جىلى قارساڭىندا ەلوردالىق جاسوتاندىقتار كوپ بالالى جانە از قامتىلعان وتباسىلارى وقۋشىلارىنا مەكتەپ قۇرالدارىن ساتىپ الۋعا سەرتيفيكاتتار تابىستادى، دەپ حابارلادى Egemen.kz.

"Jas Otan" جاستار قاناتىنىڭ جەتەكشىسى ەلنۇر بەيسەنباەۆ اتالعان اكتسيا قازاقستاننىڭ بارلىق وڭىرلەرىندە ءوتىپ جاتقانىن اتاپ ءوتتى.

"مەكتەپكە جول» اكتسياسى كوپ بالالى جانە از قامتىلعان وتباسىلارىنداعى، سونىمەن قاتار اتا-انا قامقورلىعىنسىز قالعان بالالاردى وقۋ جىلىنا دايىنداۋ بويىنشا جىل سايىن وتەتىن رەسپۋبليكالىق اكتسيا بولىپ تابىلادى. جاسوتاندىقتار وسى اكتسياعا جىلما-جىل بەلسەندى قاتىسادى. قازىرگى تاڭدا اكتسيانى ءبىزدىڭ بەلسەندىلەر شىعىس قازاقستان، اقمولا، قىزىلوردا، قوستاناي، باتىس قازاقستان، تۇركىستان وبلىستارىندا وتكىزىپ جاتىر. بۇگىننەن باستاپ بىزگە باسقا وڭىرلەر دە قوسىلادى"، دەدى ول.

وقۋشىلاردىڭ اتا-انالارى جاسوتاندىقتارعا كوڭىل ءبولىپ، قولداۋ كورسەتكەندەرى ءۇشىن العىسىن ءبىلدىردى.

74

"Nur Otan" پارتياسىنا جانە "Jas Otan" جاستار قاناتىنا ۇنەمى قولداۋ كورسەتكەنى ءۇشىن العىسىمدى بىلدىرەمىن. توتەنشە جاعداي كەزىندە بىزگە ازىق-ت ۇلىك سەبەتتەرى تۇرىندە دە كومەك كورسەتىلدى. ءبىزدىڭ بەلسەندى جاستارىمىزعا تاعى دا العىس ايتقىم كەلەدى"، دەدى كوپبالالى انا نۇرزيا قۇربانوۆا.

بالالار مەن جاس وتباسىلار ارقاشان جاستار قاناتىنىڭ ەرەكشە ىقىلاسى مەن قامقورلىعىنا يە. وسىعان بايلانىستى ەلنۇر بەيسەنباەۆ قازىرگى تاڭدا جاستار اراسىندا تالقىلانىپ جاتقان 2025 جىلعا دەيىنگى «جاستار-وتانعا!» باعدارلاماسىنا توقتالىپ ءوتتى.

ء"بىز ءۇشىن "Nur Otan" پارتياسىنىڭ جاستار قاناتى رەتىندە وسكەلەڭ ۇرپاققا قولداۋ كورسەتۋ وتە ماڭىزدى. كىشكەنتاي بالالارىمىزعا وتباسىلىق قۇندىلىقتاردى بويىنا ءسىڭىرىپ، تاربيەلەۋ ءبىزدىڭ باستى مىندەتىمىز.  سوندىقتان جاس وتباسىلاردىڭ ءومىرىن جاقسارتۋ جونىندەگى مىندەتتەر ءبىزدىڭ "جاستار-وتانعا!" باعدارلامامىزدا كورىنىسىن تاپتى"، دەدى ەلنۇر بەيسەنباەۆ.

ايتا كەتۋ كەرەك، سەرتيفيكاتتار ەلوردانىڭ 20 وقۋشىسىنا تابىستالدى. اتالعان اكتسياعا اۋداندىق جاسوتاندىقتار دا اتسالىسۋدا.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار