قوعام • 26 تامىز، 2020

27 ملن تەڭگە كولەمىندە گۋمانيتارلىق كومەك كورسەتتى

7 رەت كورسەتىلدى

سىبايلاس جەمقورلىققا قارسى ءىس-قيمىل اگەنتتىگىنىڭ قىزمەتكەرلەرى مەديتسينالىق ۇيىمدارعا قايىرىمدىلىق كومەك كورسەتۋ ءۇشىن شامامەن 27 ملن تەڭگە جينادى.

اگەنتتىك قىزمەتكەرلەرى كوروناۆيرۋستىڭ تارالۋىنا قارسى كۇرەسكە كومەك رەتىندە ءبىر كۇندىك جالاقىنى اۋدارۋعا شەشىم قابىلدادى. جينالعان قاراجاتقا 25 وتتەگى كونتسەنتراتورى ساتىپ الىندى، ولار وڭىرلەر اراسىندا تەڭ بولىنەتىن بولادى. ونىمدىلىگى مينۋتىنا 10 ليترگە دەيىنگى اپپاراتتار تىنىس الۋ جولدارىنىڭ اسا اۋىر دەرتتەرىن ەمدەۋدە قولدانىلادى.

ء«اربىر ۇيىم الەۋمەتتىك جاۋاپتى بولۋى ءتيىس. قوعام الدىنداعى الەۋمەتتىك جاۋاپكەرشىلىگىمىزدى تۇسىنە وتىرىپ، ءبىز اۋرۋحانالارعا وتتەگى كونتسەنتراتورلارىن ساتىپ الۋ ءۇشىن ءبىر كۇندىك جالاقىمىزدى اۋدارۋ ماڭىزدى جانە قاجەت دەپ ەسەپتەدىك. سول ارقىلى سOVID-پەن قارسى كۇرەسكە جاناشىرلىق تانىتامىز»، دەدى اگەنتتىك توراعاسى ا.شپەكباەۆ.

سونداي-اق بۇعان دەيىن ينتەللەكتىنى دامىتۋ حالىقارالىق ينستيتۋتىنىڭ ديرەكتورى، كورەيا رەسپۋبليكاسىنىڭ جەرگىلىكتى ءوزىن ءوزى باسقارۋدىڭ لاۋازىمدى تۇلعالارىنا ارنالعان وقىتۋ باعدارلامالارىن ازىرلەۋشى، پروفەسسور دجو گيۋ يۋن جانە سىبايلاس جەمقورلىققا قارسى ءىس-قيمىل اگەنتتىگىنىڭ ءوزارا ىنتىماقتاستىعى ارقاسىندا وڭتۇس­تىك­كورەيالىق تاراپتان قازاقستانعا گۋما­ني­تارلىق كومەك جىبەرىلگەنىن اتاپ وتكەن ءجون.

«ەير استانا» اۋەكومپانياسىنىڭ قول­داۋىمەن 50 مىڭ اقش دوللارىن قۇراي­تىن، جالپى سالماعى 1،5 توننا جۇك الماتى اۋەجايىنا كەلدى. كەلىپ تۇسكەن گۋماني­تار­لىق جۇك «سق-فارماتسيا» جشس ارقىلى مەديتسينالىق مەكەمەلەرگە جىبەرىلەدى.

اگەنتتىكتىڭ اۋماقتىق بولىمشەلەرى جۇرتشىلىق وكىلدەرىمەن بىرلەسىپ جۇكتى سوڭعى تۇتىنۋشىعا دەيىن جەتكىزۋدى قامتاماسىز ەتەدى. گۋمانيتارلىق تاۋاردى ماقساتسىز پايدالانۋدى بولدىرماۋ ءۇشىن بارلىق كەلىپ تۇسكەن ءدارى-دارمەكتەر مەن بۇيىمدار «گۋمانيتارلىق كومەك – تەگىن» ارنايى مورتاڭباسىمەن تاڭبالانادى.

اگەنتتىك قىزمەتكەرلەرى ەلگە كەلىپ تۇسە­تىن بارلىق گۋمانيتارلىق كومەكتى ءبولۋدى اشىق باقىلاۋ پروتسەسىن جولعا قويعانىن اتاپ وتكەن ءجون. سونداي-اق انتيكوردىڭ ۇسىنىسى بويىن­شا بىرىڭعاي ديستريبيۋتوردىڭ رەسمي ساي­تىندا ارنايى ءبولىم قۇرىلدى، وندا كەز كەل­گەن ادام ەلگە كەلىپ تۇسكەن گۋمانيتارلىق كومەك­تى ءبولۋ تۋرالى تولىق اقپاراتتى كورە الادى.

ءوز كەزەگىندە، «Adaldyq alańy» جوباسى اياسىندا باعانى كوتەرۋ فاكتىلەرىن بولدىرماۋ ماقساتىندا ەلىمىزدىڭ ءدارىحانالارىندا اقپاراتتىق بروشيۋرالار ورنالاستىرىلۋدا. وندا Covid-19 جانە ۆيرۋستىق پنەۆمونيانى ەمدەۋگە قولدانىلاتىن ءدارى-دارمەكتەردىڭ شەكتى باعالارى كورسەتىلگەن. ازاماتتارعا ىڭعايلى بولۋ ءۇشىن ۋاكىلەتتى ورگاننىڭ Call-ورتالىقتارىنىڭ نومىرلەرى مەن دارىلەردىڭ شەكتى قۇنىن رەتتەيتىن نورماتيۆتىك قۇقىقتىق اكتىگە سىلتەمە جاساي وتىرىپ، QR-كود ورناتىلدى. بۇل باستا­ما ءدارىحانالاردىڭ سۇرانىسقا يە ءدارى-دارمەكتەردىڭ باعاسىن نەگىزسىز كوتەرۋىنىڭ تەجەۋشى فاكتورى بولىپ تابىلادى.

 

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار