مۇرات ايتەنوۆ سامال-3, اسار-2 شاعىن اۋداندارىندا سالىنىپ جاتقان 1200 ورىندىق ءۇش مەكتەپتىڭ قۇرىلىسىن ارالاپ كوردى.
بۇگىندە اتالعان ءبىلىم نىساندارىنىڭ قۇرىلىس-مونتاجداۋ جۇمىستارىنىڭ 90 پايىزى اياقتالعان. بۇل جۇمىستارعا جالپى 200-دەن استام قۇرىلىسشى تارتىلىپ وتىر. مەكتەپتەر قىركۇيەك ايىندا پايدالانۋعا بەرىلەتىن بولادى.
ارالاۋ بارىسىندا قالا اكىمى پايدالانۋعا تاپسىرىلعان نىسانداردىڭ كەپىلدىك مەرزىمى ارالىعىندا پايدالانۋ كەزىندەگى ساپاسىنا جۇيەلى تۇردە مونيتورينگ جۇرگىزۋدى تاپسىردى.
ايتا كەتەيىك, بيىل قالادا 13 مەكتەپ پەن 2 ونەر مەكتەبىنىڭ قۇرىلىسى جۇرگىزىلۋدە. جىل سوڭىنا دەيىن 8 مەكتەپ پايدالانۋعا بەرىلسە, 5 مەكتەپتىڭ قۇرىلىسى 2021 جىلى اياقتالادى دەپ جوسپارلانۋدا. سونىڭ ناتيجەسىندە, اپاتتى مەكتەپتەر سانى 2-دەن 1-گە, ءۇش اۋىسىمدى مەكتەپتەر سانى 19-دان 14-كە ازايادى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
