يركينچاەۆتار اۋلەتى ەلوردا ماڭىنداعى اۋىلداردىڭ بىرىندە تۇرادى. وتباسىندا 9 بالا بار. جارتىسى مەكتەپ پەن كوللەدجدە ءبىلىم الادى. بالالارى ينتەرنەتپەن ساباق دايىنداۋ ءۇشىن ءۇيدىڭ شاتىرىنا شىعىپ وقيدى ەكەن. تەك وسى جەردە عانا عالامتور جەلىسى بىرقالىپتى ۇستايدى. ساباق وقۋداعى تىلدەسۋدىڭ باستى قۇرالى وسى ۇيالى تەلەفون.
كوپبالالى انا تاجىگۇل يركينچاەۆا: "الەۋمەتتىك قىزمەتكەرلەر كومپيۋتەرمەن قامتاماسىز ەتۋ بويىنشا كومەكتەسەمىز دەدى. الايدا, تەحنيكا قولىمىزدا جوق. جۋىردا اكىمدىككە بارىپ ارىز جازدىق. ولار ءبىزدى مەكتەپكە قاجەت قۇرال-سايماندارمەن عانا شىعارىپ سالدى. ال كومپيۋتەر ماسەلەسى بەلگىسىز جاعدايدا قالا بەرمەك", دەيدى اتا-انا.
نۇرسۇلتان قالاسىنىڭ اتا-انالار قاۋىمداستىعىنىڭ وكىلى تاتيانا كورشۋنوۆانىڭ ايتۋىنشا, پاندەميا جاعدايىندا كوپتەگەن وتباسى تابىسسىز قالدى. ەگەر تابىسى قولىندا بولسا, ولار كومپيۋتەر ساتىپ الار ەدى. كەيبىر اتا-انالار ۇيلەرىندە قاشىقتان ىستەيتىندىكتەن, بالالارىنا ۋاقىت بولۋدەن بولەك, كومپيۋتەردە جۇمىس ىستەۋ تاپشىلىعى دا ارتا تۇسەتىنىن قوسا كەتتى.
"تەحنيكالىق تۇرعىدان قاشىقتىقتان وقىتۋعا ءبىز دايىن ەمەسپىز جانە ءۇش اي ىشىندە قامتاماسىز ەتۋ ماسەلەسىن شەشۋگە بولاتىن ەدى. بىراق دەپۋتاتتار جاز وتە قىسقا مەرزىم دەپ سانايدى. اتا-انالار مەن ساياساتكەرلەر دە ءبىر ويدا, قازىر كومپيۋتەر وقۋلىق نەمەسە قالام سياقتى قاجەت", دەيدى الەۋمەتتىك قىزمەت وكىلى.
ال پارلامەنت ءماجىلىسىنىڭ دەپۋتاتى يرينا سميرنوۆا: ء"بىزدىڭ كونستيتۋتسيادا ورتا ءبىلىم تەگىن دەپ جازىلعان. دەمەك, تەگىن ءبىلىم الۋ ءۇشىن ونى بارلىق وقۋ قۇرالدارىمەن قامتاماسىز ەتۋ كەرەك. ەگەر قازىرگى ۋاقىتتا كومپيۋتەر وقۋ قۇرالىنا اينالسا, وندا بارلىق ستۋدەنتتەردى كومپيۋتەرلەرمەن جابدىقتاۋىمىز قاجەت. ەستەرىڭىزگە سالا كەتەيىك, وقۋشىلاردىڭ 80%-ى ينتەرنەت-ساباقتاردى كومپيۋتەرمەن نەمەسە تەلەديدار ارقىلى قاشىقتىقتان وقۋدى جوسپارلاپ وتىر. وسى جاعدايدا ءار ءوڭىردىڭ اكىمدىكتەرى بالالاردى تەحنيكامەن تولىقتىرىپ وتىرۋىن قاداعالاۋى ءتيىس. ەڭ ناشار احۋال باتىس قازاقستان, جامبىل وبلىستارىندا جانە الماتى قالاسىندا تىركەلگەن. بۇل ايماقتاردا ستۋدەنتتەردىڭ جارتىسىنان جۋىعىندا كومپيۋتەر جوق", دەيدى دەپۋتات.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
