جوعارىدا اتالعان باعدارلامالار شەڭبەرىندە رەسپۋبليكالىق جانە وبلىستىق بيۋدجەتتىڭ قارجىسىنا 150 ءبىلىم بەرۋ نىسانىن جاڭارتۋ قاراستىرىلعان بولاتىن. ونىڭ ىشىندە 38 نىسانعا كۇردەلى جوندەۋ جۇمىستارى جۇرگىزىلدى.
بيىل 9 مەكتەپتىڭ قۇرىلىسى ءجۇرىپ جاتىر. ءبىلىم وشاقتارى پايدالانۋعا بەرىلگەن كەزدە 4232 وقۋشى ورنى بولادى. ءبىر ايتا كەتەرلىگى, ءتورت مەكتەپكە قوسىمشا وقۋ كورپۋستارى سالىنۋدا. مۇنداي جۇمىستار نەگىزىنەن نۇر-سۇلتان جانە كوكشەتاۋ قالاسىنداعى ءبىلىم وشاقتارىندا جۇرگىزىلۋدە.
جوسپارلانعان جوبالاردى ىسكە اسىرۋ بارىسىندا 31 مەكتەپكە 6 ميلليارد 400 ميلليون تەڭگەگە جوندەۋ جۇمىستارى جۇرگىزىلىپ, اياقتالۋ ۇستىندە. 4 كوللەدجدى جوندەۋگە 947 ميلليون تەڭگە قاراجات بولىنگەن بولاتىن. قازىر بۇل جۇمىستار تاپ-تۇيناقتاي اتقارىلعان.
وڭىردەگى 82 ورتا مەكتەپ پەن 11 بالا باقشا جانە 13 كوللەدجگە اعىمداعى جوندەۋ جۇمىستارى جۇرگىزىلۋدە. بۇل جۇمىستار جەرگىلىكتى حالىق ءۇشىن دە ءتيىمدى بولدى. ويتكەنى, جوندەۋ جۇمىستارى جۇرگىزىلگەن كەزدە ەكى مىڭنان استام جۇمىس ورنى اشىلعان بولاتىن.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
