قوعامدىق كولىك جۇيەسىن دامىتىپ, جۇمىس تيىمدىلىگىن ارتتىرۋ باعىتىندا نۇر-سۇلتان, الماتى سىندى مەگاپوليستەردەن بااستاۋ العان بۇل تاجىريبە تيىمدىلىگىن دالەلدەدى. وسىعان دەيىن قىزىلوردادا جولاقى تولەۋ ەلەكتروندى جۇيەگە كوشكەن ساتتەن باستاپ قولما قول بيلەت الۋ قۇنى 120 تەڭگە بولىپ بەكىتىلگەنى بەلگىلى بولعان ەدى. بۇل سارالانعان تاريف ازاماتتاردى كولىك كارتاسىن پايدالانۋعا ىنتالاندىرۋ ماقساتىندا قويىلعان بولاتىن. الايدا تۇرعىندار ۇسىنىسىنا وراي ەلەكتروندى نەمەسە قولما قول تولەم جاساۋشىلار ءۇشىن دە ورتاق باعا 90 تەڭگە بولىپ, بۇرىنعى جول كىرە اقىسى وزگەرىسسىز قالاتىن بولدى. بۇل تۋرالى بۇگىن قالا اكىمى نۇرلىبەك نالىباەۆ حابارلادى.
دەگەنمەن دە ەلەكتروندىق تولەم جۇيەسىنە ءوتۋ زامان تالابى. سول سەبەپتى جول اقىسىن ەلەكتروندى تولەۋگە ۇسىنىلعان 8 ءتۇرلى تولەم جاساۋ تەتىگى دامىتىلىپ, جۇيەگە اۋىسۋ 1 قىركۇيەكتەن باستاپ كەزەڭ-كەزەڭىمەن جالعاسا بەرەدى.
جول ءجۇرۋ بيلەتىنە ەلەكتروندى تولەم جاساۋدىڭ ءتيىمدى تۇسى وبلىس ورتالىعىنداعى جولاۋشى تاسىمالداۋشىلاردىڭ شىنايى تابىسى ايقىندالادى. ناتيجەسىندە بيۋدجەتكە تۇسەتىن كىرىس ارتىپ, سالىق بازاسى ۇلعايادى جانە كولەڭكەلى قاراجات اينالىمى جويىلادى. اۆتوبۋس پاركىنىڭ ماتەريالدىق-تەحنيكالىق بازاسى جاقسارادى. بۇل ءارى بولاشاقتا باعدارلاردى ءتيىمدى جوسپارلاۋعا ىقپال جاسايدى.
