اپتا ىشىندە اكىمدىك, تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى وكىلدەرىنەن قۇرالعان ەلوردالىق مونيتورينگ توبى كاسىپكەرلەردىڭ سانيتارلىق-ەپيدەميولوگيالىق تالاپتاردى ساقتاۋى بويىنشا رەيدتەر وتكىزدى.
سەنبى كۇنى پوليتسيا قىزمەتكەرلەرىنەن جانە بايقوڭىر اۋدانىنىڭ تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسى وكىلدەرىنەن تۇراتىن ءموبيلدى توپ بازارلاردا سانيتارلىق-ەپيدەميولوگيالىق تالاپتاردىڭ ساقتالۋىن قاداعالادى.
مونيتورينگ بارىسىندا "ارتەم" جانە "Big شانحاي" بازارلارىندا الەۋمەتتىك قاشىقتىق پەن ماسكا تاعۋ ءتارتىبىن بۇزۋشىلىقتار انىقتالدى. سونداي-اق بارلىق بولىمدەر مەن بۋتيكتەردە سانيتايزەرلەر مەن تەرمومەتريا ورناتىلماعان. كەيبىر بۋتيكتەردە الەۋمەتتىك قاشىقتىق ساقتاۋعا مۇمكىندىك جاسالماعان.
انىقتالعان بۇزۋشىلىقتار ءۇشىن قازاقستان رەسپۋبليكاسىنىڭ حالىقتىڭ سانيتارلىق-ەپيدەميولوگيالىق سالاۋاتتىلىعى سالاسىنداعى زاڭناماسىنىڭ 425 بابىنىڭ 1-تارماعى بويىنشا اكىمشىلىك جازا قولدانىلادى.
جالپى العاندا, 5 شىلدەدەن باستاپ قر اقبتك 425-بابى بويىنشا 863 بۇزۋشىلىق انىقتالدى. ونىڭ 236-سى جەكە تۇلعالارمەن, 627-ءى كاسىپكەرلىك سۋبەكتىلەرىمەن جاسالعان. بارلىق جينالعان ماتەريالدار بويىنشا نۇر-سۇلتان قالاسىنىڭ تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى ءتيىستى شەشىم شىعارادى.
بارلىق قوعامدىق ورىنداردا ادامدار قاشىقتىق ساقتاپ, ماسكا تاعىپ, سانيتايزەر قولدانۋى كەرەك.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
