ەلوردا اكىمىنىڭ ايتۋىنشا, وتكەن جىلى مەكتەپ قۇرالدارىن ساتىپ الۋعا بولىنگەن سوما 30 مىڭ تەڭگە بولدى. بيىل ول 40 مىڭ تەڭگەگە دەيىن ارتتى. مىسالى, وتباسىندا 3-4 بالادان بولسا, وندا ءار بالاعا 40 مىڭ تەڭگەدەن بولىنەدى. بۇل ماقساتقا بيۋدجەتتەن 680 ملن تەڭگە ءبولىندى, بۇل وتكەن جىلمەن سالىستىرعاندا ەكى ەسە كوپ. سونىمەن قاتار, از قامتىلعان وتباسىلارعا باسقا دا الەۋمەتتىك كومەك كورسەتىلەتىنىن ايتىپ ءوتتى.
"مەكتەپتەردە قاشىقتان وقىتۋ جۇرگىزىلەتىنىن ەسكەرە وتىرىپ, الەۋمەتتىك وسال ساناتتاعى وقۋشىلاردى نوۋتبۋكتەرمەن, روۋتەرلەرمەن قامتاماسىز ەتۋگە 6 ملرد تەڭگە بولىنەدى. وسىلايشا, وسى ساناتتاعى بارلىق بالالاردى قىركۇيەكتە كومپيۋتەرلەرمەن جانە روۋتەرلەرمەن قامتاماسىز ەتەمىز: ولار از قامتىلعان وتباسى بالالارى, ەرەكشە قاجەتتىلىكتەرى بار بالالار, جەتىم بالالار, كوپبالالى وتباسىلار. جالپى 34,5 مىڭعا جۋىق بالا قامتىلاتىن بولادى", دەدى ەلوردا اكىمى التاي كولگىنوۆ.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
