ارنايى ينفراقۇرىلىم 2021 جىلى قولدانۋعا بەرىلمەك. اەروتاكسي تەك جولاۋشىلاردى تاسىمالداپ قويماي, جۇك تيەمەلەرىن دە جەتكىزەتىن بولادى. سىناقتان وتكىزۋ بارىسى حالىق قونىستانباعان ايماقتا جانە جولاۋشىلارسىز تاجىريبەدەن وتەدى. العاشقى تىكۇشاق ايلاعى دۋنايدىڭ ەكى جاعالاۋىندا پايدا بولادى دەپ جوسپارلانىپ جاتىر.
لينتس قالاسى – اۋسترياداعى تۇرعىندار سانى بويىنشا ءۇشىنشى ورىندا. وندا حالىقتىڭ 200 مىڭنان استامى شوعىرلانعان. تۇرعىنداردىڭ باسىم كوپشىلىگى قالا ماڭىندا قونىستانعان. جوبا ۇيىمداستىرۋشىلارىنىڭ پىكىرىنشە, اەروتاكسيدى سىناقتان وتكىزۋ ءۇشىن وسى ايماق قولايلى بولاتىنىن اتاپ ءوتتى.
لينتستە پايدا بولاتىن EHang 216 اەروموبيلدەرىن اۆستريالىق جانە قىتايلىق ينجەنەرلەر بىرلەسىپ ازىرلەدى. كابينادا ەكى جولاۋشىعا ارنالعان ورىن بار. سونداي-اق 260 كەلى جۇك تيەي الادى. ال ديزاينى الىپ كۆادروكوپتەرگە ۇقسايدى.
اەروتاكسي ساعاتىنا 150 شاقىرىمعا دەيىن جىلدامدىقپەن ۇشا الادى. EHang 216 العاشقى سىناق رەيستەرى 2019 جىلى ۆەنا ورتالىعىنداعى فۋتبول الاڭىندا ءوتتى. سول كەزدە اەروتاكسي جولاۋشىلارمەن بىرگە اۋەگە كوتەرىلىپ, ستاديوندى اينالىپ ۇشقان ەدى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
