23-25 تامىز ارالىعىندا جول-قۇرىلىس جۇمىستارىنا بايلانىستى نۇر-سۇلتاندا بىرقاتار كوشەلەر جابىلادى.
ورتاشا جوندەۋ اياسىندا بيگەلدينوۆ كوشەسىندە سارىارقا داڭعىلىنان جەڭىس داڭعىلىنا دەيىنگى ۋچاسكەدە جۇمىستار جۇرگىزىلۋدە. وسىعان وراي, 23-25 تامىز ارالىعىندا كولىك قوزعالىسىن تولىعىمەن جابۋ جوسپارلانعان.
سونداي-اق جۇبانوۆ كوشەسىندە اباي داڭعىلىنان كوشەنىڭ سوڭىنا دەيىن جول قۇرىلىسى جۇرگىزىلۋدە. ءدال وسى مەرزىم ىشىندە قوزعالىس تولىعىمەن جابىلادى.
"ەلوردا تۇرعىندارى مەن قوناقتارى قالا جولدارىندا كەپتەلىس تۋدىرماۋ ءۇشىن مارشرۋتىن الدىن-الا جوسپارلاۋ كەرەك. كەلتىرىلگەن قولايسىزدىقتار ءۇشىن كەشىرىم وتىنەمىز جانە جوندەۋ جۇمىستارىنا تۇسىنىستىكپەن قاراۋدى سۇرايمىز", دەدى ەلوردانىڭ كولىك جانە جول-كولىك ينفراقۇرىلىمىن دامىتۋ باسقارماسىندا.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
