«قورعانىس مينيسترلىگى اسكەري كلينيكالىق گوسپيتالىنىڭ بۇكىل ۇجىمىنا جۇرگىزگەن ەم ءۇشىن العىسىمدى بىلدىرەمىن. دارىگەرلەر مەن مەديتسينالىق پەرسونالدىڭ جوعارى بىلىكتى مامان ەكەندىگى جانە جاقسى دايىندىقتارى كورىنىپ تۇردى. اسكەري دارىگەرلەردىڭ ناۋقاستارعا دەگەن قامقورلىعى, جاقسى كۇتىمى مەن ىزگى قارىم-قاتىناستارى دا بايقالدى. ءدارى-دارمەكتەر تولىق كولەمدە جانە ءۇزىلىسسىز بەرىلدى. تاماقتانۋ دا ءتۇرلى ءارى قۇنارلى بولدى», دەپ ءوز ويىمەن ءبولىستى ەمدەلۋشى.
جالپى, اسكەري گوسپيتالدە 800-گە جۋىق ادام, ونىڭ ىشىندە اسكەري قىزمەتشىلەر ەمدەلىپ شىقتى. شامامەن 40% ناۋقاس سىرقاتتىڭ اۋىر بەلگىسىمەن قابىلدانعان, سونىمەن قاتار ناۋقاستاردىڭ جارتىسىنان كوبى كوروناۆيرۋستىق ينفەكتسيادان بولەك قان اينالىمى جۇيەسى, تىنىس الۋ ورگاندارى, ەندوكريندىك پاتولوگيا سەكىلدى سىرقاتتارى بار ەگدە جاستاعى ادامدار بولدى. اسكەري دارىگەرلەردىڭ الدىندا مىندەتتەردىڭ ءبىرى رەتىندە ىندەتتىڭ اسقىنۋىن الدىن الۋ جانە ەمدەۋ جۇرگىزۋ ەدى.
ء«بىزدىڭ گوسپيتال ەپيدەمياعا قارسى قاتاڭ رەجىمدە جۇمىس ىستەۋ بويىنشا ۇلكەن تاجىريبە جينادى. مەديتسينالىق پەرسونال اتالعان پاتولوگياسى بار ناۋقاستارمەن جۇمىس ىستەۋگە دايىن, دارىگەرلەر مەن مەدبيكەلەر وزدەرىنىڭ مىندەتتەرىن جاقسى بىلەدى, تالاپ ەتىلەتىن قاۋىپسىزدىك شارالارىن ساقتاپ, سونىمەن قاتار ءتۇرلى كۇتپەگەن جاعدايلاردا ارەكەت ەتۋگە ءازىر. ءبىز تاۋلىك بويى جۇمىس اتقاردىق. بارلىق دارىگەرلەر مەن مەدبيكەلەر اسا جوعارى كاسىبيلىكتەرىن كورسەتىپ, تانىتقان قايسارلىقتارىنىڭ ارقاسىندا ءبىز ىندەتتى جەڭە بىلدىك. بۇگىن ءبىز سوڭعى ناۋقاستى ەمدەپ شىعاردىق, بۇل بارلىق مەديتسينالىق پەرسونال ءۇشىن ۇلكەن قۋانىش», دەدى الماتى قالاسى اسكەري كلينيكالىق گوسپيتالىنىڭ باستىعى سامات سارسەنباەۆ.
اسكەري-مەديتسينالىق مەكەمە باستىعىنىڭ ايتۋىنشا, گوسپيتالدىڭ ماتەريالدىق-تەحنيكالىق بازاسى ناۋقاستاردىڭ ورنالاسۋى مەن تاماقتانۋ ماسەلەلەرىمەن قوسا العاندا ەمدىك-دياگنوستيكالىق پروتسەستى تولىق كولەمدە جۇرگىزۋگە مۇمكىندىك بەرەدى.
ەسكە سالا كەتەيىك, 3 تامىزدان باستاپ رەسەيدەن كەلگەن اسكەري دارىگەرلەرمەن بىرلەسكەن جۇمىس باستالدى. COVID-19 ىندەتىنەن ەمدەۋ مەن تاجىريبە الماسۋ بويىنشا ءبىرشاما ماسەلەلەر پىسىقتالدى.
ايتا كەتۋ كەرەك, كوپتەگەن اسكەري مەديتسينالىق مەكەمەلەر كوروناۆيرۋس ىندەتى انىقتالعان ناۋقاستاردى ەمدەۋگە جانە وقشاۋلاۋعا قاتىساتىن ەمدىك-پروفيلاكتيكالىق مەكەمەلەر تىزىمىنە ەنگىزىلگەن بولاتىن. مەديتسينالىق مەكەمەلەر كارانتيندىك, پروۆيزورلىق جانە ينفەكتسيالىق ستاتسيونارلاردىڭ تالاپتارىنا سايكەس قايتا قۇرىلعان بولاتىن.
