وفيتسەرلەر مەن كەلىسىمشارت بويىنشا اسكەري قىزمەتشىلەر كالاشنيكوۆ اۆتوماتىنان باقىلاۋ اتىس جاتتىعۋلارىن ورىندادى.
كوروناۆيرۋستىق ينفەكتسياعا بايلانىستى ەپيدەميالىق جاعداي دايىندىق فورماتىنا تۇزەتۋلەر ەنگىزگەنىنە قاراماستان, اسكەرلەردەگى جاۋىنگەرلىك وقۋ بەكىتىلگەن جوسپارلارعا سايكەس جانە كارانتيندىك شارالاردى قاتاڭ ساقتاۋ ارقىلى جالعاسۋدا. قازىرگى ۋاقىتتا اسكەرلەردە روتالىق تاكتيكالىق توپتارمەن تاكتيكالىق وقۋ-جاتتىعۋلار جانە ۆزۆودتاردىڭ جاۋىنگەرلىك اتىستارى وتۋدە. كومانديرلەر ءارتۇرلى ۇرىستاردى ۇيىمداستىرۋ جانە جۇرگىزۋ, جاۋىنگەرلىك ءتارتىپ پەن وت جۇيەسىن قۇرۋ كەزىندە باعىنىستى بولىمشەلەردى باسقارۋ داعدىلارىن شىڭدايدى, ال جەكە قۇرام شتاتتىق قارۋ-جاراق پەن جاۋىنگەرلىك تەحنيكانى شەبەر جانە ءتيىمدى قولدانۋدا دالالىق داعدىنى جەتىلدىرەدى.
2020 جىلدىڭ ماۋسىم-شىلدە ايلارىندا قۇرلىق اسكەرلەرىندە 33 مىڭنان استام مامان دايارلاندى. ءار اپتادا ءاربىر توپتىڭ جەكە قۇرامىنىڭ 50% قاتىسۋىمەن ساباقتار وتكىزىلەدى. 8000-نان استام اتىس جۇرگىزىلىپ, ونىڭ 3000-نان استامى تۇندە وتكىزىلدى. 55-كە جۋىق دالالىق شىعۋ, 30 شاقىرىمعا 40-قا جۋىق جاياۋ ءجۇرۋ شەرۋى ۇيىمداستىرىلدى. اۋە-دەسانتتىق دايىندىق اياسىندا شىلدە ايىندا اسكەري قىزمەتشىلەر 4500-دەن استام سەكىرۋ ورىندادى.
شەكتەۋ شارالارى جاعدايىندا دەنەشىنىقتىرۋ دايىندىعى قاشىقتان جۇمىس رەجىمىندە دەنە جاتتىعۋلارىن ۇيىمداستىرۋ جانە وتكىزۋ جونىندەگى ۇسىنىستارعا سايكەس ۇيىمداستىرىلعانىن اتاپ وتكەن ءجون. بۇل اپتالىق جاتتىعۋ جوسپارى, وعان كۇش قاسيەتتەرىن دامىتۋعا ارنالعان جاتتىعۋلار جيىنتىعى كىرەدى. وسىلايشا, ءتىپتى قاشىقتان اسكەري قىزمەتشىلەر وزدەرىنىڭ دەنە شىنىقتىرۋ دەڭگەيىن ساقتايدى.
