سۋرەتتەردى تۇسىرگەن ەرلان ومار, «EQ»
تابيعات ساقشىلارى جۋرناليستەرگە كۇندەلىكتى جۇمىسى جانە جابايى جانۋارلاردى براكونەرلەردەن قورعاۋداعى قاۋىپ-قاتەر بايلانىستى مالىمەتتەردى ايتتى.
اقمولا وبلىسىنداعى "وحوتزووپروم" ينسپەكتورلار توبىنىڭ باسشىسى دوستاي نۇربەكوۆتىڭ ايتۋىنشا, بۇگىندە وڭىردە شامامەن 70 مىڭعا جۋىق اقبوكەن بار.
جانۋارلاردى قورعاۋدى كۇشەيتۋ جانە مەملەكەتتىك باقىلاۋدى ارتتىرۋ ارقىلى ولاردىڭ سانى كوبەيگەنى بايقالادى. ايماقتا كيىكتەردىڭ ءوسىپ-ونۋىنە قولايلى تابيعي جاعدايلار, ونىڭ ىشىندە قاجەتتى ازىق پەن قولايلى كليمات ىقپال ەتەدى.
"بۇرىن تەحنيكامىز ەسكىرگەن كولىكتەر بولعان, مۇنداي كولىكتەرمەن قىزمەتتى ورىنداۋ قيىنعا سوعاتىن. براكونەرلەردىڭ تەحنيكاسى بىزدىكىنەن الدەقايدا جاقسى”, دەيدى دوستاي نۇربەكوۆ.
ءتيىستى زاڭعا سايكەس, ەرەكشە جاعدايلاردا, ومىرگە قاۋىپ تونگەندە ينسپەكتورلار قارۋ قولدانۋعا قۇقىلى.
ء"ار ينسپەكتوردا وق وتكىزبەيتىن كوكىرەكشە, كارابين نەمەسە تاپانشا بار", دەگەن د.نۇربەكوۆ ەندى بىركەلكى كيىم كيۋ ماسەلەسىن جاقسارتۋ قاجەت ەكەنىن ايتتى
جىل باسىنان بەرى قازاقستاندا ۇستالعان براكونەرلەردەن 256 تۇتاس ەت پەن 1245 كيىكتىڭ ءمۇيىزى, سونداي-اق 5 قاراقۇيرىق پەن 2 يتەلگى تاركىلەندى. ايتىلعانداردىڭ ءبارى قازاقستاننىڭ قىزىل كىتابىنا ەنگىزىلگەن.
