iKOMEK جاعداياتتىق مونيتورينگ ورتالىعىنداعى بەينەباقىلاۋ وپەراتورلارى تاۋلىك بويى ەلورداداعى قاۋىپسىزدىك پەن ءتارتىپتى قاداعالايدى. بەينەباقىلاۋ كامەرالارى ساياباقتار, سكۆەرلەر, مەشىتتەر, اۆتوبۋس ايالدامالارى, ۆوكزالدار جانە ت.ب. سياقتى ادام كوپ جينالاتىن ورىنداردى قامتيدى.
سونىمەن قاتار iKOMEK مونيتورينگ ورتالىعىنا ەلورداداعى ءىرى ساۋدا-ويىن-ساۋىق ورتالىقتارىنىڭ باقىلاۋ كامەرالارى ينتەگراتسيالاندى.
"مالىمەتتەر ەلوردا تۇرعىندارىمەن جانە قوناقتارىمەن ءتۇسىندىرۋ جۇمىستارىن جۇرگىزۋ ءۇشىن جەدەل تۇردە نىسانداردىڭ باسشىلىقتارىنا جىبەرىلەدى, بۇل جۇمىستى ءبىز ەلوردادا كوروناۆيرۋس ينفەكتسيامىنىڭ تارالۋىنا جول بەرمەۋ ماقساتىندا جۇرگىزەمىز", دەدى iKOMEK قالالىق ورتالىعىنىڭ باسشىسى جاننات ءدۇبىروۆا.
ەستەرىڭىزگە سالا كەتەيىك, iKOMEK جاعداياتتىق ورتالىعى 13 000-نان استام كامەرانىڭ كومەگىمەن تاۋلىك بويى باقىلاۋ جۇرگىزۋدە. نۇر-سۇلتان قالاسىنىڭ پوليتسيا جانە توتەنشە جاعدايلار دەپارتامەنتتەرىمەن بىرلەسىپ, ەلوردا تۇرعىندارىنىڭ قاۋىپسىزدىگىن قامتاماسىز ەتۋ بويىنشا جۇمىس جۇرگىزىلەدى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
