قازىر پاندەمياعا بايلانىستى قازاقستان جانە رەسەي شەكاراسى جابىق تۇر. وسى سەبەپتى بارشا ستۋدەنتتەرگە قاشىقتان وقۋ ۇسىنىلعان. الايدا ستۋدەنتتەر قاشىقتان وقۋدىڭ ساپاسى باسەكەگە قابىلەتتى بولمايدى دەپ وتىر. سونداي-اق مەديتسينا جانە شىعارماشىلىق باعىتتا قاشىقتان وقۋ مۇلدەم مۇمكىن ەمەس دەلىنگەن ستۋدەنتتەر وتىنىشىندە.
ء"بىز, رەسەيلىك جوو ستۋدەنتتەرى, شەكارالار جابىق بولعاندىقتان وقۋىمىزعا ورالا الماي وتىرمىز, كىرۋگە رۇقسات بەرۋىڭىزدى سۇرايمىز", - دەلىنگەن وتىنىشتە.
تومسك مەملەكەتتىك باسقارۋ جانە راديوەلەكترونيكا ۋنيۆەرسيتەتىنىڭ ستۋدەنتى ەكاتەرينا ۆينيچەنكونىڭ ايتۋىنشا, حاتقا ونىڭ مىڭعا جۋىق وتانداسى - قازاقستاندىق ستۋدەنتتەر قول قويعان. ولار جاتاقحانادا كيىمدەرى مەن نوۋتبۋكتەرى قالعانىن ايتادى.
