بۇگىندە www.hr-process.kz سايتىندا پەداگوگتار مەن قىزمەتكەرلەردى جۇمىسقا قابىلداۋ بويىنشا 137 ءبىلىم بەرۋ ۇيىمى تىركەلگەن. قازىر 78 بوس جۇمىس ورنى بار.
"HR-Process" جۇيەسى پەدوگوگيكالىق بوس ورىنعا ءوتىنىش بەرۋ جانە وڭدەۋ بارىسىن اۆتوماتتاندىرۋعا, ۇمىتكەرلەر مەن بوس ورىنداردىڭ دەرەكتەر قورىن قۇرۋعا, سونىمەن قاتار زاماناۋي اقپاراتتىق تەحنولوگيالاردى قولدانۋ نەگىزىندە پەداگوگيكالىق قۇرامدى ىرىكتەۋ پروتسەسىنىڭ تيىمدىلىگىن ارتتىرۋعا ارنالعان.
"مەملەكەت باسشىسى قاسىم-جومارت توقاەۆتىڭ تاپسىرماسىنا سايكەس شىمكەنتتە بارلىق سالانى اۆتوماتتاندىرۋ جانە تسيفرلاندىرۋ بويىنشا بىرقاتار جۇمىستار جۇرگىزۋدەمىز. وسى سايتتىڭ ارقاسىندا وقىتۋشى لاۋازىمىنا ۇمىتكەرلەر ونلاين رەجيمدە جۇمىس تابا الادى. پەداگوگيكالىق قۇرامدى ىرىكتەۋدى اۆتوماتتاندىرۋدىڭ ماقساتى مەن ارتىقشىلىعى ۇمىتكەردى تاڭداۋدا مەريتوكراتيا, جاريالىق جانە ايقىندىق قاعيدالارىن ساقتاۋ بولىپ تابىلادى", دەدى قالا اكىمى.
جۇيە كونكۋرستىق ادىسكە نەگىزدەلگەن. ارنايى كوميسسيا قۇرامىنا ءبىلىم بەرۋ مەكەمەلەرىنىڭ ديرەكتورى, ءپان مۇعالىمدەرى, پسيحولوگ كىرەدى. الەۋمەتتىك جەلىلەردە كونكۋرستىق كوميسسيا وتىرىسىنىڭ ونلاين كورسەتىلىمى جۇرگىزىلەدى. بايقاۋدىڭ بارلىق ناتيجەسى سايتتا جاريالاناتىن بولادى.
ايتا كەتۋ كەرەك, بۇل جوبا – پەداگوگيكالىق قىزمەتكە ۇزدىك كادرلاردى ىرىكتەپ الۋعا, جەمقورلىقتىڭ الدىن الۋعا مۇمكىندىك بەرەدى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
