ساياسات • 20 تامىز، 2020

ب.بايبەك: Nur Otan پرايمەريزى "حالىق ۇنىنە قۇلاق اساتىن مەملەكەت" تۇجىرىمداماسىنىڭ ناقتى ىسكە اسىرىلۋى

81 رەت كورسەتىلدى

باۋىرجان بايبەك وتاندىق بىرقاتار ساياساتتانۋشى، ساراپشى، قوعام قايراتكەرى مەن باسقا دا بەلسەندى قازاقستاندىقتار قۇرعان Nur Otan پارتياسى جاقتاستارىنىڭ ليگاسىمەن كەزدەستى. كەزدەسۋ بارىسىندا تاۋەلسىز بىرلەستىكتەردىڭ، ونىڭ ىشىندە وڭىرلەردەن كەلگەن 50-دەن استام وكىلى ءوز سۇراقتارىن قويىپ، Nur Otan پارتياسىنىڭ پرايمەريزىن ۇيىمداستىرۋ بويىنشا ۇسىنىستارىن ورتاعا سالدى، دەپ حابارلايدى Egemen.kz

ۇقسك-ءنىڭ مۇشەسى، ەۋرازيالىق ينتەگراتسيا ينستيتۋتىنىڭ باسشىسى ەرلان سايروۆتىڭ ايتۋىنشا، بۇگىندە بۇكىل الەمدە ادامداردىڭ ءتۇرلى ساياسي ينستيتۋتتارعا دەگەن سەنىمى تومەندەپ كەتكەن. Nur Otan جاڭا جانە بەلسەندى ادامدارعا ارنالعان پارتيالىق "الەۋمەتتىك ءليفتتىڭ" ناقتى تەتىگىن ىسكە قوسۋ ارقىلى ءوزىنىڭ حالىقتىق پارتيا ەكەنىن كورسەتىپ وتىر

"Nur Otan پرايمەريزى – بۇل جالپى ەلدىڭ ساياسي جۇيەسىن وزگەرتۋدەگى ماڭىزدى قادام ەكەنىنە سەنىمدى بولعاندىقتان دا، ءبىز بىرىگۋدى ءجون كوردىك. پارتيانىڭ جاقتاستار ليگاسى پرايمەريزدىڭ اشىق جانە ادال وتكىزىلۋىنە قوعامدىق باقىلاۋ جاسايدى. بۇكىل ەل وڭ وزگەرىستەرگە مۇددەلى"، دەدى ول.

ءوز كەزەگىندە باۋىرجان بايبەك پرايمەريز ەلباسى، پارتيا ليدەرى نۇرسۇلتان نازارباەۆتىڭ باستاماسىمەن قولعا الىنعان پارتيا جۇمىسىن "قايتا جانداندىرۋ" باعدارلاماسىنىڭ نەگىزگى كەزەڭدەرىنىڭ ءبىرى جانە مەملەكەت باسشىسى قاسىم-جومارت توقاەۆ جاريالاعان "حالىق ۇنىنە قۇلاق اساتىن مەلەكەت" تۇجىرىمداماسىنىڭ ناقتى ىسكە اسىرىلۋى ەكەنىن ەسكە سالدى.

ء"بىز پارتياعا پرايمەريز ارقىلى تۇيىتكىلدى ماسەلەلەردى اشىق ايتىپ، ونى شەشۋ جولدارىن ۇسىنا الاتىن قوعامنىڭ سەنىمى مەن قولداۋىنا يە بولعان بەدەلدى، ادال جانە كوپشىل ادامداردىڭ كەلگەنىن قالايمىز. ءاربىر ورىن ءۇشىن باسەكەلى كۇرەس كۇتىپ تۇر. سوندىقتان كانديداتتار ءوڭىردى، اۋداندى، اۋىلدى دامىتۋ تۋرالى كوزقاراسىن ۇسىنىپ، وزىنە داۋىس بەرۋگە سەندىرۋى قاجەت. "پرايمەريز" اقپاراتتىق جۇيەسى ونلاين رەجىمىندە ۇگىت-ناسيحات جۇرگىزۋگە جانە داۋىس بەرۋگە مۇمكىندىك بەرەدى. ادامدار ءبىر رەت قانا باسۋ ارقىلى ساياسي پروتسەسكە قاتىسا الادى"، دەپ اتاپ ءوتتى پارتيا توراعاسىنىڭ ءبىرىنشى ورىنباسارى. 

قاراعاندىدان كەلگەن قوعام قايراتكەرى ءاليا سادىرباەۆا Nur Otan پرايمەريزى بۇعان دەيىن وعان كۇمانمەن قاراعان بەلسەندى ازاماتتاردى پارتيا قاتارىنا تارتۋعا مۇمكىندىك بەرەتىنىن ايتتى.

"مەنىڭ قىزمەتىم قوعامدىق جۇمىسپەن، ءتۇرلى ساناتتاعى ادامدارعا كومەك كورسەتۋمەن بايلانىستى. 2016 جىلى ادامداردىڭ تۇيىتكىلدى ماسەلەلەرىن ءتيىمدى شەشۋگە مۇمكىندىك بەرەدى دەگەن ۇمىتپەن پارتيا قاتارىنا قوسىلدىم. بىراق ءفورماليزمدى، سىرعىتا سالۋدى، ناتيجەسى جوق ءىس-شارالاردى كورگەننەن كەيىن مەن پارتيا قاتارىنان شىعۋعا شەشىم قابىلدادىم. بىراق قازىر Nur Otan شىنىمەن وزگەرىپ جاتقانىن كورىپ وتىرمىن. ايەلدەر مەن جاستار ءۇشىن جاعداي جاسالۋدا. سوندىقتان پرايمەريزگە قاتىسۋعا ءوتىنىش بەردىم. ءوزىمدى مىسالعا كەلتىرە وتىرىپ، سىبايلاس جەمقورلىقتان شارشاپ، الەۋمەتتىك ادىلەتسىزدىكتەن كوڭىلى قالعان ادامدارعا قاراپايىم ادام ءۇشىن دەپۋتات بولۋ جانە ءبىر نارسەنى وزگەرتۋ مۇمكىن ەكەنىن كورسەتكىم كەلەدى"، دەدى ءاليا سادىرباەۆا.

1

كەزدەسۋ بارىسىندا وڭىرلەردەن كەلگەن قاتىسۋشىلار پرايمەريزگە قاتىسۋشىلارعا قىسىم جاساۋ جانە كەدەرگى كەلتىرۋى مۇمكىندىگى ماسەلەسىن قوزعادى.

"ەگەر ۇمىتكەرلەرگە كەدەرگى جاساعان نەمەسە بۇرمالاۋ فاكتىلەرىن انىقتاساق، وندا ءبىز سول ۋچاسكەدەگى ناتيجەلەردى جويىپ، ءتيىستى ۇيىمداستىرۋ شارالارىن قولدانامىز. ول ءۇشىن ارنايى جەدەل جەلى قۇردىق، بايقاۋشىلار بولادى. ەڭ باستىسى، قىسىم كورسەتۋ فاكتىسىن بولدىرماۋ ءۇشىن داۋىس بەرۋ قۇپيا وتەدى. كوبىنەسە اۋىلدىق جەرلەردە، شالعاي اۋدانداردا ادامدار تۇيىتكىلدى ماسەلەلەردى اشىق ايتپايدى. ويتكەنى، ولار سول ماسەلەنى شەشۋ ءۇشىن قانداي دا ءبىر ءىس-ارەكەت جاسالاتىنىنا سەنبەيدى. پرايمەريز جاعدايدى تۇبەگەيلى وزگەرتەتىنى انىق. بۇل – ەلەكتىڭ ءبىر ءتۇرى، شىن كوشباسشىلاردى، ءوزى تۇراتىن ءوڭىردى وتە جاقسى بىلەتىن، ناعىز ءوز ءىسىنىڭ بىلگىرلەرىن انىقتايتىن ءتيىمدى تەتىك. دەپۋتات بولعاننان كەيىن، ول پارتيانىڭ سايلاۋالدى باعدارلاماسىنىڭ ورىندالۋىن ناقتى قاداعالاپ، ەلەكتوراتپەن بايلانىسىن ۇزبەۋى كەرەك. ايتپەسە، ونىڭ ورنىنا باسقا بىرەۋ كەلەدى"، دەپ اتاپ ءوتتى باۋىرجان بايبەك.

بەينەكونفەرەنتسيا بارىسىندا ساياساتتانۋشى مارات شيبۋتوۆ الماتىدا پرايمەريزگە قوعام ۇلكەن قىزىعۋشىلىق تانىتىپ وتىرعانىن اتاپ ءوتتى.

"Nur Otan-نىڭ كەيبىر قارسىلاستارى بيلەۋشى پارتيا بەلسەندىلەردى ءوز قاتارىنا قوسىپ الۋدى كوزدەيدى دەگەن جەلەۋمەن ادامداردى پرايمەريزدى ەلەمەۋگە ۇگىتتەۋدە. بىراق ءبىز مۇنداي ۇگىتتىڭ كەرىسىنشە اسەر ەتەتىنىن كورىپ وتىرمىز. ويتكەنى بۇل – سايلانۋشى ورگاندارعا كىرۋدىڭ ناقتى مۇمكىندىگى ەكەنىن ءبارى تۇسىنەدى. الماتىدا تىركەۋ باستالعان  ءبىر-ەكى كۇن ىشىندە ءبىر ورىنعا ەكى ادامنان تالاسۋدا. ال ولاردىڭ  38%-ى ايەلدەر. ياعني، كۆوتا ايەلدەردى ساياسي پروتسەستەرگە تارتۋدىڭ پارمەندى تەتىگى بولىپ تۇر"، دەدى مارات شيبۋتوۆ.

كەزدەسۋ سوڭىندا باۋىرجان بايبەك پارتيا ليدەرى نۇرسۇلتان نازارباەۆتىڭ پارتياىشىلىك ىرىكتەۋگە ەرەكشە ءمان بەرىپ وتىرعانىن اتاپ ءوتتى. پارتيا توراعاسى پرايمەريزدىڭ باستالۋىنا بايلانىستى ارنايى ۇندەۋ جولدادى. 

"پارتيا جۇمىسىن قايتا جانداندىرۋ پرايمەريزبەن اياقتالمايدى. ول ەندى عانا باستالادى. وزدەرىڭىزگە ءمالىم، ەگەر بۇرىن پارتيا سايلاۋعا جالپى رەسپۋبليكالىق ءبىر سايلاۋالدى باعدارلامامەن باراتىن بولسا، قازىر ەلباسىنىڭ تاپسىرماسىنا سايكەس ءبىز 216 وڭىرلىك سايلاۋالدى باعدارلامانىڭ جوبالارىن ازىرلەدىك. پارتيا توراعاسىنىڭ تاپسىرماسى بويىنشا ولاردى جاريالاپ، كراۋدسورسينگ ءادىسىن قولدانۋدى جوسپارلاپ وتىرمىز. ۇسىنىستارعا، سىندارلى سىنعا اشىقپىز جانە قوعامنىڭ جۇيەلىك وزگەرىستەرگە دەگەن سۇرانىستارىنا جاۋاپ بەرۋگە ءازىرمىز"، دەدى Nur Otan پارتياسى توراعاسىنىڭ ءبىرىنشى ورىنباسارى.

سوڭعى جاڭالىقتار

دوللار باعاسى تاعى ارزاندادى

ەكونوميكا • بۇگىن، 11:30

كۇلشە قىز

تەاتر • بۇگىن، 09:25

گۇلدەردىڭ سىرىن ۇققان...

ونەر • بۇگىن، 09:24

قالدىقتى كادەگە جاراتتى

ايماقتار • بۇگىن، 09:22

اقىلى اۆتوجول كوبەيدى

قازاقستان • بۇگىن، 09:18

Digital تەڭسىزدىك

تەحنولوگيا • بۇگىن، 09:14

ەلىن سۇيگەن ەرەن ەر

تاريح • بۇگىن، 09:11

راسيمانىڭ ءاسۇيى

قوعام • بۇگىن، 09:07

الاكولگە پويىزبەن بارۋعا بولادى

ايماقتار • بۇگىن، 09:01

اسارلاتىپ التىنشى ءۇي سالدى

ايماقتار • بۇگىن، 09:00

1500 وتباسى باسپانالى بولادى

ايماقتار • بۇگىن، 08:58

ۇلى مۇرات ۇستىنى

پىكىر • بۇگىن، 08:54

ادامزاتقا قالتقىسىز قىزمەت

تانىم • بۇگىن، 08:42

شىناشاقتاي سپورتشى شىندىعى

سپورت • بۇگىن، 08:39

قانداستار ءوز ورتامىزعا ورالدى

قازاقستان • بۇگىن، 08:33

جاڭا جوبالاردى تانىستىردى

قازاقستان • بۇگىن، 08:27

كۇزدە – حالىق ساناعى

قازاقستان • بۇگىن، 07:58

ۇقساس جاڭالىقتار