ەرەكشە ءبىلىم بەرۋ قاجەتتىلىكتەرى بار بالالاردى تاربيەلەۋ جانە وقىتۋعا جاعداي جاسالعان مەكتەپكە دەيىنگى ۇيىمداردىڭ ۇلەسى 32,9% قۇرايدى, جوسپار بويىنشا – 30%.
قازىرگى ۋاقىتتا ەكى ارنايى بالاباقشا بار – № 23 جانە 64. 26 مەكتەپكە دەيىنگى ۇيىمداردا ءتۇرلى كەمىستىگى بار (ەستۋ, سويلەۋ, پسيحيكالىق, اقىل-ويى ناشار دامىعان بالالار) 570 وقۋشىعا ارنالعان 45 تۇزەتۋ توپتارى جۇمىس ىستەيدى.
بيىل العاش رەت ون بالاباقشادا اۋتيزم سپەكترى بۇزىلعان 100 بالاعا ارنالعان ارنايى توپتار قۇرىلدى.
«45 مەكتەپكە دەيىنگى ۇيىمدا 300-دەن استام بالانى قامتيتىن ينكليۋزيۆتى ءبىلىم بەرۋ توپتارى جۇمىس ىستەيدى. 13 بالاباقشادا جانە التى شاعىن ورتالىقتا بارلىعى 275 بالانى قامتيتىن پسيحولوگيالىق-پەداگوگيكالىق وڭالتۋ كابينەتتەرى بار. ون بالاباقشادا 72 وقۋشىعا ارنالعان لوگوپەديالىق ورتالىقتار اشىلدى», – دەپ حابارلادى ءبىلىم باسقارماسى.
وسى جىلدىڭ شىلدە ايىنان باستاپ 62 ورىنعا ارنالعان مەملەكەتتىك ءبىلىم بەرۋ تاپسىرىسىنا ءبىرىنشى رەت بەس جەكە بالاباقشا ورنالاستىرىلدى. سونداي-اق «شۋاقتى الەم» جانە «Co-Make» قوعامدىق قورىلارنىڭ اياسىندا 155 ورىندىق پسيحولوگيالىق-پەداگوگيكالىق تۇزەتۋ كابينەتتەرىنە مەملەكەتتىك ءبىلىم بەرۋ تاپسىرىسى ورنالاستىرىلدى.
ەرەكشە ءبىلىم بەرۋ قاجەتتىلىكتەرى بار بالالاردى قامتۋ ءۇشىن, كورۋ قابىلەتى تومەن بالالارعا ارنالعان جاڭا بالاباقشا ۇستىمىزدەگى جىلدىڭ قىركۇيەگىندە پايدالانۋعا بەرىلەدى دەپ جوسپارلانۋدا. سونىمەن قاتار 2020/21 وقۋ جىلىندا № 22, 23, 25, 64 مەكتەپكە دەيىنگى ۇيىمداردىڭ بازاسىندا رەسۋرستىق ورتالىقتار قۇرىلاتىن بولادى.
سونداي-اق 28 مەكتەپكە دەيىنگى ۇيىمداردا ەرەكشە ءبىلىم بەرۋ قاجەتتىلىكتەرى بار بالالارعا ارنالعان ارنايى توپتار اشۋ جوسپارلانۋدا.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
