بريفينگ بارىسىندا قر سىرتقى ىستەر ءمينيسترىنىڭ ورىنباسارى ەرجان اشىقباەۆ «KazAID» قۇرۋ قاجەتتىلىگى تۋرالى ەگجەي-تەگجەيلى اقپاراتتاندىرىپ, وسى قۇرىلىمدى قۇرۋدىڭ مىندەتتەرى مەن كۇتىلەتىن پايداسى تۋرالى حاباردار ەتتى. اتاپ ايتقاندا, دامۋعا رەسمي كومەك قايىرىمدىلىق ەمەس ەكەندىگى اتاپ ءوتىلدى. باستاپقى كەزەڭدە جوبالاردى ىسكە اسىرۋعا مەملەكەتتىك بيۋدجەتتەن قاراجات ءبولۋ كوزدەلمەيدى. اگەنتتىكتىڭ قىزمەتى ءتيىستى حالىقارالىق قۇرىلىمدار ارقىلى بولىنەتىن دونور ەلدەردىڭ قاراجاتىن تارتۋدى كوزدەيتىن ۇشجاقتى حالىقارالىق ارىپتەستىككە (KazAID – دونور - بەنەفيتسيار ەل) شوعىرلاندىرىلاتىن بولادى. بريفينگكە قاتىسقان بۇۇدب مەن تۇرىك حالىقارالىق ىنتىماقتاستىق اگەنتتىگىنىڭ (TIKA) وكىلدەرى قۇرىلىپ جاتقان قازاقستاندىق انالوگپەن جۇمىس بايلانىستارىن جولعا قويۋ نيەتىن ءبىلدىرىپ, بىرلەسكەن جوبالاردى ىسكە اسىرۋعا شاقىردى.
بولىنگەن قاراجات بارىنشا قازاقستاندا يگەرىلۋى ءۇشىن جوبالاردى ىسكە اسىرۋدا قازاقستاندىق كومپانيالاردى, ماماندار مەن جابدىقتاردى تارتىلاتۋعا باسىمدىلىق بەرىلەتىنى اتاپ ءوتىلدى. قازاقستاندىق ديپلوماتتىڭ ايتۋىنشا, اگەنتتىكتىڭ قىزمەتى حالىقارالىق ۇيىمدارمەن ىنتىماقتاستىقتىڭ وزىق تاجىريبەسىن تارتۋعا, ماماندارىمىزدىڭ بىلىكتىلىگىن ارتتىرۋعا, تاۋارلار مەن قىزمەتتەر ساپاسىنىڭ الەمدىك ستاندارتتارىن ەنگىزۋگە, سونداي-اق وتاندىق ەكسپورتتى شەتەلدىك نارىقتارعا شىعارۋعا جاردەمدەسۋگە باعىتتالعان.
بريفينگكە قاتىسقان بۇۇ-نىڭ قازاقستانداعى تۇراقتى ۇيلەستىرۋشىسى نوريماسا شيمومۋرا قازاقستاندىق بيلىكتىڭ باستاماسىن قۇپتاپ, ونىڭ رەسمي كومەكتى دامىتۋ جونىندەگى بۇۇ شەڭبەرىندەگى نورماتيۆتىك قۇجاتتار مەن ءىس-قيمىل جوسپارلارىنا تولىق سايكەستىگىن اتاپ ءوتتى. ن.شيمومۋرا ورتالىق ازيا وڭىرىندەگى تۇراقتىلىق پەن تۇراقتى دامۋدى نىعايتۋ تۇرعىسىندا اگەنتتىك قىزمەتىن ىسكە قوسۋدىڭ ەرەكشە وزەكتىلىگىن اتاپ ءوتتى.
ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى زاماناۋي زەرتتەۋلەر ينستيتۋتىنىڭ ديرەكتورى مۇحيت-ارداگەر سىدىقنازاروۆ جينالعانداردىڭ الدىندا تاۋەلسىز ساراپشى رەتىندە ءسوز سويلەپ, ءوزارا كومەك كورسەتۋدىڭ ماڭىزدىلىعى تۋرالى ناقتى مىسالدار كەلتىردى.
م.سىدىقنازاروۆتىڭ پىكىرىنشە, پاندەمياعا قاراماستان, الەم ەلدەرى وزدەرىنىڭ ۇلتتىق مۇددەلەرىنە سايكەس بەلسەندى ءوزارا ءىس-قيمىلدى جالعاستىرۋدا. ء«اربىر ەلگە قولداۋ مەن كوڭىل ءبولۋ قازىر ەكى ەسە قاجەت, جانە مۇنداي قولداۋ كورسەتكەندەر ۇزاق ۋاقىت ەستە قالادى. بارلىعى قاراپايىم ادامداردىڭ ومىرىندەگىدەي: قيىن كەزەڭدە كومەكتەسسەڭ, ءسىزدى كوپتەگەن جىلدار بويى, ءتىپتى ۇرپاقتارى دا ريزاشىلىقپەن ەسكە الادى جانە جاقسى كورەدى», - دەپ اتاپ ءوتتى م.سىدىقنازاروۆ.
بريفينگ بارىسىندا قازاقستاننىڭ سىرتقى ساياسي ۆەدومستۆوسىنىڭ وكىلدەرى بۇقارالىق اقپارات قۇرالدارى مەن قوعامدى مازالاعان وزەكتى سۇراقتارعا جاۋاپ بەردى.
