كوركەمدىك كەڭەس وتىرىسىندا قازاقستان رەسپۋبليكاسىنداعى مۋزەيلەردىڭ ونلاين-رەجيمدەگى قىزمەتىن جەتىلدىرۋ, تسيفرلىق داۋىردەگى وتاندىق مۋزەي سالاسىنىڭقىزمەتىن دامىتۋ, جالپى مۋزەي ءىسى قىزمەتىنە قولداۋ كورسەتۋ جانە مۋزەي سالاسىنىڭ ونلاين رەجيمدەگى قىزمەتىن تۇرعىندارعا قولجەتىمدى ەتۋ ماسەلەلەرى تالقىلاندى.
وتىرىسقا كوركەمدىك كەڭەس مۇشەلەرى, رەسپۋبليكالىق جانە جەرگىلىكتى اتقارۋشى ورگاندارىنا قاراستى مەملەكەتتىك مۋزەي باسشىلارى, مادەنيەت جانە سپورت مينيسترلىگىنىڭ جانە قوعامداستىق وكىلدەرى قاتىستى.
كوركەمدىك كەڭەس وتىرىسىنىڭ ناتيجەسى بويىنشا حاتتاما بەكىتىلىپ, رەسپۋبليكالىق جانە جەرگىلىكتى اتقارۋشى ورگاندارىنا قاراستى مۋزەيلەرگە جۇمىس ءۇشىن جولدانادى.
ايتا كەتەيىك, «مادەنيەت تۋرالى» قازاقستان رەسپۋبليكاسى زاڭىنا سايكەس مادەنيەت سالاسىنداعى مەملەكەتتىك ساياساتتى جەتىلدىرۋ ماقساتىندا ۋاكىلەتتى ورگان جانىنان قۇرىلعانكونسۋلتاتيۆتىك-كەڭەسشى ورگاندار – تەاتر, مۋزىكا قىزمەتى جانە كونتسەرتتىك قىزمەت, تسيرك ونەرى, مۋزەي ءىسى جانە ارحەولوگيا, بەينەلەۋ ونەرى, ساۋلەت جانە ديزاين, ادەبيەت جانە كىتاپ باسىپ شىعارۋ جونىندە سالالىق كوركەمدىك كەڭەستەر تۇراقتى جۇمىس جاساپ كەلەدى.
سالالىق كوركەمدىك كەڭەستەردىڭ نەگىزگى فۋنكتسيالارى مادەنيەت پەن ونەردىڭ جوعارى كوركەم تۋىندىلارىن – باسەكەگە قابىلەتتى وتاندىق ءونىمدى جاساۋ ماقساتىندا مەملەكەتتىك مادەنيەت ۇيىمدارىنىڭ قىزمەتىن ۇيلەستىرۋ جونىندەگى ۇسىنىستاردى تۇجىرىمداۋ.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
