دوسان بينازار ۇلىنىڭ ايتۋىنشا, بيىل ءبىلىم سالاسى قىزمەتى جاڭا وقۋ جىلىنا وراي تولىق تسيفرلى جۇيەگە كوشتى. بالالاردىڭ ونلاين رەجيمدە ساباق الۋىن قامتاماسىز ەتۋ ءۇشىن قالاداعى بارلىق ءبىلىم بەرۋ ۇيىمدارى جوعارى جىلدامدىقتى ينتەرنەتپەن قامتاماسىز ەتىلۋدە.
ء"بىلىم سالاسى – ەڭ ماڭىزدى الەۋمەتتىك سالانىڭ ءبىرى. بيىل ءبىلىم سالاسى تولىق اۆتوماتتاندىرىلدى. بالالالاردى ءبىلىم ۇيىمدارىنا قابىلداۋ تولىق ەلەكتروندى فورماتتا جۇزەگە استى. سونداي-اق, تەحنيكالىق جانە كاسىپتىك ءبىلىم بەرۋ ۇيىمدارىنا قابىلداۋ, وتباسى جانە بالالارعا قاتىستى قىزمەتتەر, تاعى باسقا قىزمەتتەر تولىق اۆتوماتتاندىرىلدى.
قالا اۋماعىن جوعارى جىلدامدىقتى جانە قۋاتتى ينتەرنەت جەلىسىمەن قامتاماسىز ەتۋ ماقساتىندا بۇگىندە 11 بازالىق ستانتسيا ورناتىلۋدا. 11 ورىن بويىنشا دا قالادا زاڭداستىرۋ جۇمىستارى اياقتالدى. شىمكەنت قالاسىنىڭ اۋماعىنا كىرەتىن بارلىق شالعايداعى ەلدىمەكەندەردى جوعارى ساپاداعى ينتەرنەتپەن قامتۋ ءۇشىن قوسىمشا 43 نۇكتەگە تالداۋ جۇمىستارى جۇرگىزىلدى. قىركۇيەك, قازان ايلارىندا بازالىق ستانتسيالاردىڭ جۇمىسىن ىسكە قوسۋ جۇمىستارى اياقتالادى", – دەدى دوسان بينازار ۇلى.
ايتا كەتسەك, بۇگىندە شىمكەنت قالاسى ساپالى ينتەرنەت جۇيەسىمەن 80 پايىز قامتىلعان. ال ورناتىلىپ جاتقان بازالىق ستانتسيالاردىڭ جۇمىسى اياقتالعان ساتتە بۇل كورسەتكىش 100 پايىزعا جەتپەك.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
