ءال-فارابي اتىنداعى وقۋشىلار سارايىندا (ب.مومىش ۇلى داڭعىلى, 5) ۇيىرمەلەر مەن سەكتسيالاردىڭ 125 ءتۇرى, 11 باعىت بويىنشا جۇمىس ىستەيدى. بارلىق ۇيىرمەلەر مەن سەكتسيالاردا بيۋدجەتتىك جانە اقىلى نەگىزدەگى توپتار بار.
بيۋدجەتتىك نەگىزدەگى توپتارعا: جەتىم بالالار, از قامتىلعان وتباسىلاردىڭ بالالارى, مۇمكىندىگى شەكتەۋلى بالالار, كوپ بالالى وتباسىلاردىڭ بالالارى جانە قازاقستان رەسپۋبليكاسىنىڭ زاڭدارىمەن ايقىندالاتىن وزگە دە ساناتتاعى ازاماتتار قابىلدانادى. اقىلى نەگىزدە قابىلداۋ 1-15 قىركۇيەك ارالىعىندا وتەدى.
«ۇيىرمەلەرگە قابىلدانعان كەزدە اتا-انالار MINDAL پورتال ارقىلى ءوتىنىش بەرەدى. بالالاردى قابىلداۋ MINDAL ەەم-گە ارنالعان باعدارلاماعا سەرۆيستىك قىزمەت كورسەتۋ بويىنشا جۇرگىزىلەدى. كەزەككە قويۋعا ءوتىنىش تەك ەلەكتروندى تۇردە بەرىلەدى», – دەدى نۇر-سۇلتان قالالىق ءبىلىم باسقارماسىندا.
ءوتىنىش بەرۋشى ۇيالى تەلەفون ءنومىرىن, زاڭدى وكىلدىڭ جسن جانە بالانىڭ جسن مىندەتتى تۇردە كورسەتۋى كەرەك. ءوتىنىش بەرۋ بارىسىندا ءبىر رەتتىك پارولدەر پايدالانىلادى. بۇدان ءارى, كەزەككە قويىلعاننان كەيىن نومىرلەر ءوتىنىش بەرۋشىنىڭ جەكە كابينەتىن قۇرۋ جانە ىسكە قوسۋ, ەلەكتروندى حابارلامالاردى تاراتۋ ءۇشىن پايدالانىلادى.
بالانىڭ ءتۇرلى ۇيىرمەلەرگە جانە سپورت سەكتسيالارىنا بىرنەشە ءوتىنىشى بولۋى مۇمكىن. ءوتىنىش بەرگەن كەزدە بالانىڭ تۇراتىن جەرى ماڭىزدى ەمەس. بالانىڭ تىركەلگەنى تۋرالى سمس-حابارلامانى العاننان كەيىن راستايتىن قۇجاتتاردى (بالانىڭ جسن, اتا-اناسىنىڭ جسن, مەديتسينالىق انىقتاما, جەڭىلدىكتى راستايتىن قۇجاتتار) تولتىرادى جانە قوسا تىركەيدى.
بۇدان ءارى MINDAL پورتالى بيۋدجەتتىككە راستايتىن قۇجاتتار بولعان جاعدايدا بالالاردى توپتارعا انىقتايدى. اتا-انالاردىڭ پورتال ارقىلى ۇيىرمەلەر مەن سەكتسيالارداعى بوس ورىنداردى ۇنەمى قاداعالاۋ مۇمكىندىگى بار.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
