"كەيبىر بۇقارالىق اقپارات قۇرالدارىندا قاناتى سىندى دەلىنگەن قازاقستاندىق ۇشاق "تولماچەۆو" اۋەجايىندا ء(نوۆوسىبىر ق.) ەكەندىگى تۋرالى حابارلاما پايدا بولدى. يندۋستريا جانە ينفراقۇرىلىمدىق دامۋ مينيسترلىگىنە سىلتەمە جاسالىپ, اتالعان ۇشاق قازاقستان رەسپۋبليكاسى قورعانىس مينيسترلىگىنىڭ بالانسىندا تۇرعانى ايتىلعان. اتالعان اقپارات بويىنشا قورعانىس مينيسترلىگى كەلەسىنى حابارلايدى.
قازاقستان اcكەري-اۋە كۇشتەرىنىڭ (اۋە باسقارۋ پۋنكتىنىڭ) ۇشاعى جوسپار بويىنشا تەحنيكالىق قىزمەت كورسەتۋدەن ءوتۋ ءۇشىن رەسەي فەدەراتسياسى ءنوۆوسىبىر قالاسىنداعى "وو S-7 ينجينيرينگ" كاسىپورنىندا تۇر. جوندەۋ جۇمىستارى بارىسىندا فيۋزەلياجدىڭ جەكە بولىكتەرىنە جانە باسقا دا تۇيىندەرى مەن اگرەگاتتارىنا ۋاقىتشا بولشەكتەۋ جۇمىستارى قاجەت بولۋى مۇمكىن. بۇل جەردە تاڭقالارلىق ەشتەڭە جوق, جۇمىس جوسپارلى تۇردە وتكىزىلىپ جاتىر.
قورعانىس مينيسترلىگى باق وكىلدەرىنە رەسمي دەرەككوزدەرمەن راستالعان جانە تەكسەرىلگەن اقپاراتتى پايدالانۋدى ۇسىنادى جانە سەنساتسياعا ۇمتىلماۋعا شاقىرادى", - دەلىنگەن حابارلامادا.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
