الايدا كارانتين شارالارى جەڭىلدەتىلگەنىمەن قاۋىپتى ىندەت ەلىمىزدەن تولىق كەتكەن جوق. ءالى دە سىرقاتتانىپ, ەمحانادا جاتقان ناۋقاستار بار. قانشاما اق حالاتتى ابزال جاندارىمىز سول ناۋقاستاردىڭ ءومىرى ءۇشىن, تەزىرەك ساۋىعۋى ءۇشىن كۇن-ءتۇن دەمەي, ايانباي ەڭبەك ەتىپ جاتىر. ارينە, ءبارىمىز دە بۇرىنعىداي باراتىن جەرىمىزگە بارىپ, ەمىن-ەركىن جۇرگىمىز كەلەدى. ول كۇندەرگە دە جاقىن قالدى. ول ءۇشىن بىزگە كارانتين تالاپتارىن جان-جاقتى ساقتاۋعا تۋرا كەلەدى.
سوڭعى ايلار ەلىمىز ءۇشىن وتە اۋىر بولدى. تالاي ادام جاقىن-جۋىعىنان ايىرىلدى. تالاي ادامنىڭ جۇمىسى توقتاپ قالدى. مۇنداي قايعىلى جاعدايلار, مۇنداي كەلەڭسىزدىك ەندى بولماسىن دەپ تىلەيمىز. ەڭ ماڭىزدىسى – ەل-جۇرتتىڭ اماندىعى. ەل-جۇرتتىڭ اماندىعىن ويلاساق, كارانتين جەڭىلدەتىلدى ەكەن دەپ بارلىعىن ۇمىتىپ, جەلپىنىپ كەتپەيىك, ارقانى كەڭگە سالمايىق. قىرقىنا شىدادىق قوي, قىرىق بىرىنە دە شىدايىق, اعايىن!
ءادىل تۇرعانباەۆ,
ءداستۇرلى ءانشى,
مادەنيەت سالاسىنىڭ ۇزدىگى
وسكەمەن
