ايماقتار • 18 تامىز، 2020

م.ايتەنوۆ بەلسەندى ازاماتتاردى «Nur Otan» پارتياسىنىڭ پرايمەريزىنە قاتىسۋعا شاقىردى

771 رەت كورسەتىلدى

شىمكەنت قالاسىنىڭ اكىمى، "Nur Otan" پارتياسى شىمكەنت قالالىق فيليالىنىڭ توراعاسى مۇرات ايتەنوۆ پرايمەريزدىڭ باستالۋىنا بايلانىستى پىكىر ءبىلدىردى. ول جۇرتشىلىقتى ساياسي  دوداعا قاتىسۋعا شاقىردى. 

"قۇرمەتتى شىمكەنت قالاسىنىڭ تۇرعىندارى!
ەلىمىزدە Nur Otan پارتياسىنىڭ پارتياىشىلىك ىرىكتەۋ باسەكەسى باستالدى. قازاقستاننىڭ پارتيالىق-ساياسي دامۋ تاريحىندا پرايمەريز العاش رەت وتكىزىلۋدە.
پرايمەريزدىڭ ماقساتى – پارلامەنت ماجىلىسىندەگى جانە ماسليحاتتاعى ءتيىمدى دەپۋتاتتىق كورپۋستى ودان ءارى قالىپتاستىرۋ، پارتيالىق جەلى بويىنشا ىلگەرىلەتۋ، ولاردى مەملەكەتتىك ورگاندارداعى لاۋازىمدارعا ۇسىنۋ ءۇشىن باسەكەلەستىك كۇرەس نەگىزىندە ناقتى جانە مىقتى كوشباسشىلاردى انىقتاۋ. پرايمەريز كەزىندە پارتيالىقتارمەن پارتيا باعدارلامالارىندا ءوز شەشىمىن تاباتىن وزەكتى، ناقتى جەرگىلىكتى ماسەلەلەر انىقتالادى.
پرايمەريز كوروناۆيرۋس پاندەمياسى كەزەڭىمەن سايكەس كەلگەندىكتەن پارتياىشىلىك ىرىكتەۋگە ارنالعان ءىس-شارالاردىڭ باسىم بولىگىن ونلاين فورماتتا وتكىزۋ مىندەتتەلىپ وتىر.
«مىقتى ليدەرلەر – مىقتى پارتيا» قاعيداسىن باسشىلىققا العان «پرايمەريز» جۇيەسى تۇرعىندارمەن كەرى بايلانىستى بارىنشا كۇشەيتۋدى، جالپى جۇرتشىلىقتىڭ پىكىرلەرىن ەسكەرە وتىرىپ، ءتۇرلى باستامالار مەن زاڭ جوبالارىن ونلاين-تالقىلاۋ مۇمكىندىگىن كوزدەيدى.
Nur Otan پارتياسىنىڭ شىمكەنت قالالىق فيليالى پرايمەريز وتكىزۋگە قارقىندى دايىندىق جۇرگىزدى. ازىرگە شىمكەنتتىك 36 ۇمىتكەر پرايمەريزگە قاتىسۋعا ءوتىنىش بەرگەن. ۇمىتكەرلەردىڭ ىشىندە 9 ادام 35 جاسقا دەيىنگى جاستار وكىلدەرى.
ەلىمىزدىڭ بارلىق باستاماشىل، وتانسۇيگىش جانە جاۋاپكەرشىلىگى مول ازاماتتاردى ساياسي باسەكەگە بەلەندى قاتىسۋعا شاقىرامىن! ساياسي دوداعا قاتىسىپ، ءوز ەلىنىڭ دامۋىنا ۇلەس قوسامىن دەگەن ازاماتتار ءوز مۇمكىندىكتەرىن جىبەرىپ الماۋى ءتيىس"، دەدى قالا اكىمى ءوز سوزىندە.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار