قالا اكىمى نۇرلىبەك نالىباەۆ ەلمەن ەتەنە ءجۇرىپ, مۇقتاج جاندارعا كومەك قولىن سوزعان جانداردى "جومارت جۇرەك" بايقاۋىنىڭ قالالىق كەزەڭىنىڭ قورىتىندىسى بويىنشا ماراپاتتادى.
شاھار باسشىسى جومارت جاندار قالامىزدىڭ كوركەيۋىنە, الەۋمەتتىك-ەكونوميكالىق دامۋىنا ەرەكشە ۇلەس قوسىپ قانا قويماي, قاشاننان قايىرىمدىلىق شارالاردىڭ باسىنان ءاردايىم تابىلىپ كەلە جاتقاندىعىن ايتىپ, قايىرىمدىلىق ىستەرگە قولداۋ بىلدىرگەن جاندارعا العىسىن ءبىلدىردى.
"جومارت جۇرەك" سىيلىعى 5 نوميناتسيا بويىنشا تابىستالدى. بايقاۋدىڭ "تۋعان ولكە" اتالىمى ء"سات-سەرۆيس" جشس ديرەكتورى روزا يمانوۆاعا بۇيىردى. روزا سادىبەكقىزى تۋعان جەرىمىزدى تۇلەتۋگە ايرىقشا ۇلەس قوسىپ, قالامىزداعى 10 كوپقاباتتى تۇرعىن ۇيگە كۇردەلى جوندەۋ جۇمىستارىن جۇرگىزگەن. سونىمەن بىرگە قايىرىمدىلىق شارالارىنا بەلسەنە قاتىسىپ, دەمەۋشىلىك كورسەتىپ كەلەدى.
ء"بىز كومەكتى ماقتانىش نە ماراپات ءۇشىن جاسامادىق. نيەتىمىز كەيىنگى ۇرپاققا ۇلگى كورسەتۋ", - دەيدى روزا يمانوۆا.
ال بايقاۋ بويىنشا "جىل تۇلعاسى" نوميناتسياسى جىل كولەمىندە قالامىزدىڭ الەۋمەتتىك سالاسىنا تۇراقتى تۇردە قولداۋ كورسەتكەن قانات بورانباەۆقا تابىستالدى. قانات جومارت ۇلى كارانتين ۋاقىتىندا قالالىق اۋرۋحانا قىزمەتكەرلەرىن "قىزىلوردا" قوناق ۇيىنە تەگىن ورنالاستىرىپ, قاجەتتى تۇرمىستىق زاتتارمەن قامتاماسىز ەتتى.
"جىل مەتسەناتى" اتالىمىندا ىندەت ۋاقىتىندا تۇرعىندارعا 15 مىڭعا جۋىق تەگىن بەتپەردە تاراتقان "DALATEX" جشس ديرەكتورى دىلمۇحامەد ابيزوۆ جەڭىمپاز دەپ تانىلسا, "جىلدىڭ ۇزدىك ۇيىمى" "ەل-اراي" قوعامدىق قورى اتاندى. قوعامدىق قور جىل سايىن 1000 وتباسىن ازىق-ت ۇلىكپەن, 2000 وتباسىن كيىم-كەشەكپەن, 100 وتباسىن كومىرمەن قامتاماسىز ەتىپ كەلەدى. "دەليۋكس" كومپانياسىمەن بىرىگىپ, 10 مىڭ دانا ماسكا, "شۇعىلا" قوعامدىق قورىمەن بىرلەسىپ ايماعىمىزداعى اۋرۋحانالارعا 200 وتتەگى كونتسەنتراتورىن الىپ بەرگەن.
بايقاۋدىڭ "ەپەن ەرىكتىلىك" نوميناتسياسى قوعام بەلسەندىسى دينارا ەشاتوۆاعا ماراپاتتالدى. قوعامدىق كەڭەس مۇشەسى, قوعام بەلسەندىسى, دينارا ماماديارقىزى سپورت سالاسىنداعى ۆولونتەر-ۇيلەستىرۋشى. ول ەرىكتىلەرمەن بىرلەسە وتىرىپ, قالا كاسىپكەرلەرى ۇسىنعان 3000-نان اسا بەتپەردە تاراتتى. ەرىكتى سونىمەن بىرگە الەۋمەتتىك دۇكەندەر مەن ءدارىحانالاردا ساتىلىمداعى تاۋارلاردىڭ شەكتىك باعادان اسپاۋىن قاداعالاۋ ماقساتىندا مونيتورينگتىك توپ قۇرامىندا بەلسەندىلىك تانىتىپ, ەرەكشە كوزگە ءتۇستى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
