تولە بي الىبەك ۇلىنىڭ 350 جىلدىق مەرەيتويى جاقىنداپ كەلەدى. بۇل كۇندەرى وبلىس اۋماعىندا بابا قۇرمەتىنە ارنالعان كوپتەگەن مەرەكەلىك ءىس-شارالار وتەدى. وعان ەلىمىزگە بەلگىلى مەملەكەت جانە قوعام قايراتكەرلەرى, عالىمدار, جازۋشىلار جانە ونەر قايراتكەرلەرى كەلەدى دەپ كۇتىلۋدە.
تولە بي الىبەك ۇلىنىڭ 350 جىلدىق مەرەيتويى جاقىنداپ كەلەدى. بۇل كۇندەرى وبلىس اۋماعىندا بابا قۇرمەتىنە ارنالعان كوپتەگەن مەرەكەلىك ءىس-شارالار وتەدى. وعان ەلىمىزگە بەلگىلى مەملەكەت جانە قوعام قايراتكەرلەرى, عالىمدار, جازۋشىلار جانە ونەر قايراتكەرلەرى كەلەدى دەپ كۇتىلۋدە.
مەرەيتويدىڭ العاشقى مادەني ءىس-شاراسى وبلىستىق دراما تەاتردا جازۋشى ەلەن ءالىمجاننىڭ «تولە بي» دراماسىمەن باستالادى. تولە بي داڭعىلى مەن جەلتوقسان كوشەسىنىڭ قيىلىسىنان بوي كوتەرەتىن بابا ەسكەرتكىشىنىڭ سالتاناتتى اشىلۋ ءراسىمى دە ءوڭىر تاريحى ءۇشىن ەرەكشە وقيعا بولماقشى.
توي بارىسىندا «تولە بيدىڭ قاسيەتتەرى مەن وسيەتتەرى» رەسپۋبليكالىق جىر ءمۇشايراسىنىڭ جەڭىمپازدارى مەن جۇلدەگەرلەرى ماراپاتتالسا, «بالاساعۇن» ورتالىق كونتسەرت زالىندا «تولە بي جانە ونىڭ ۇلاعاتتى مۇرالارى» تاقىرىبىندا رەسپۋبليكالىق عىلىمي-تاجىريبەلىك كونفەرەنتسيا وتكىزىلەدى. سونداي-اق, قازاقستاندىق ءبىر توپ ەسترادا جۇلدىزدارى تاراز قالاسىنداعى ورتالىق ستاديوندا مەرەيتويعا ارنالعان تارتۋلارى – اسەم ءان مەن ءتاتتى كۇيدەن شاشۋ شاشادى. توي شىمىلدىعى باۋىرجان مومىش ۇلى اتىنداعى اتشاباردا وتەتىن ۇلتتىق ات سپورتى ويىندارىمەن جابىلادى.
كوسەمالى ساتتىباي ۇلى,
«ەگەمەن قازاقستان».
جامبىل وبلىسى.
