كەزدەسۋ بارىسىندا سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ سىبايلاس جەمقورلىق قۇقىق بۇزۋشىلىقتاردى انىقتاۋ جانە تەرگەۋ, كەلتىرىلگەن زالالدى بەلگىلەۋ مەن وتەۋ بويىنشا جۇمىس ناتيجەلەرىن, سونداي-اق ازاماتتىق قوعاممەن بەلسەندى ءوزارا ءىس-قيمىل كەزىندە سىبايلاس جەمقورلىقتىڭ الدىن الۋ بويىنشا قابىلدانعان شارالاردى تانىستىردى. سىبايلاس جەمقورلىققا قارسى زاڭنامانىڭ جاڭاشىلدىقتارى تۋرالى ايتا كەلە, اگەنتتىك توراعاسى وتكەن جىلدىڭ سوڭىندا ەنگىزىلگەن ساياسي مەملەكەتتىك قىزمەتكەرلەردىڭ وتستاۆكاسى قاراستىرىلعان باعىنىشتى قىزمەتكەرلەردىڭ سىبايلاس جەمقورلىعى ءۇشىن باسشىلاردىڭ جەكە جاۋاپكەرشىلىك ينستيتۋتىن ەرەكشە اتاپ ءوتتى.
سپيكەر مەملەكەت باسشىسىنىڭ باستاماسىمەن قابىلدانعان ساياسي جاڭعىرتۋ شارالارىنا, اتاپ ايتقاندا, پارلامەنتتىك وپپوزيتسيانىڭ قۇقىقتىق مارتەبەسىن نىعايتۋعا, ميتينگتەردى ۇيىمداستىرۋ جانە وتكىزۋ ءتارتىبىن ليبەراليزاتسيالاۋعا, ساياسي پارتيالاردى تىركەۋدى جەڭىلدەتۋگە, ايەلدەر مەن جاستاردىڭ پارتيالىق تىزىمدەرىنە قاتىسۋدى قامتاماسىز ەتۋگە, سونداي-اق جالا جابۋدى قىلمىستىق جولمەن جويۋعا باسا نازار اۋداردى. وتىرىسقا قاتىسۋشىلار مەملەكەتتىك قىزمەت كورسەتۋدى اۆتوماتتاندىرۋ, مەملەكەتتىك اپپارات قىزمەتىن وڭتايلاندىرۋدى, ساندىق تەحنولوگيالاردى قولدانۋ ارقىلى سىبايلاس جەمقورلىقتى جويۋعا جانە ەلدىڭ ءاربىر ازاماتىنىڭ ءومىرىن جاقسارتۋعا باعىتتالعان «تسيفرلى قازاقستان» مەملەكەتتىك باعدارلاماسىنىڭ جۇزەگە اسىرىلۋ بارىسىن تالقىلادى.
ءىس-شارادا سوت جۇيەسىنىڭ رەفورمالارى دا ءتۇسىندىرىلدى. اتاپ ايتقاندا, سوتتاردىڭ جۇمىسى تۋرالى اقپاراتتار توپتاماسىندا سوت پروتسەستەرىن وتكىزۋدىڭ تولىققاندى ونلاين-فورماتىنا, سوت جۇيەسىندەگى سىبايلاس جەمقورلىقتى جويۋ قاعيداتتارىن ۇستانۋعا جانە سەنىمدى ارتتىرۋعا باعىتتالعان شارالارعا باسا نازار اۋدارىلدى. جوعارعى سوتتىڭ دەپارتامەنت باسشىسى ن.احمەتزاكىروۆ سوت جۇيەسىنىڭ اشىقتىعىن قامتاماسىز ەتۋ باعىتىندا قابىلدانىپ جاتقان شارالار كەلىسىمشارتتاردى ورىنداۋدى قامتاماسىز ەتۋ كورسەتكىشى بويىنشا «Doing Business» رەيتينگىسىندە قازاقستاننىڭ 4-ورىنعا يە بولۋىنا مۇمكىندىك بەرگەنىن اتاپ ءوتتى.
قارجى ۆيتسە-ءمينيسترى ر.ەڭسەباەۆ سالىقتىق جانە كەدەندىك اكىمشىلەندىرۋدەگى تەندەنتسيالارعا, كولەڭكەلى ەكونوميكاعا قارسى تۇرۋ جانە بيۋدجەتتىك جوسپارلاۋدىڭ اشىقتىعىن قامتاماسىز ەتۋ جونىندەگى شارالارعا توقتالدى. ءوز كەزەگىندە ا.مەليكيشۆيلي قازاقستاننىڭ سىبايلاس جەمقورلىققا قارسى زاڭنامانى جەتىلدىرۋ, بيزنەس ءۇشىن اكىمشىلىك كەدەرگىلەردى ازايتۋ جانە مەملەكەتتىك باقىلاۋ-قاداعالاۋ قىزمەتىن وڭتايلاندىرۋ بويىنشا جۇرگىزىپ جاتقان جۇيەلى جۇمىستارىنا جوعارى باعا بەردى. پاندەميا كەزىندە ەلدىڭ قابىلداعان شارالارىن تالقىلاي وتىرىپ, ساراپشى قابىلداناتىن شەشىمدەردىڭ, اتاپ ايتقاندا, بيۋدجەت قاراجاتىن جۇمساۋ اشىقتىعىن قامتاماسىز ەتۋ قاجەتتىلىگىنە نازار
اۋداردى.
كەزدەسۋ سوڭىندا ا.شپەكباەۆ حالىقارالىق ساراپشىلارمەن سۇحبات مەملەكەتتىك باسقارۋدىڭ نەگىزگى ستراتەگياسى مەن ۇزدىك تاجىريبەلەر تۋرالى ناقتى تۇسىنىككە يە بولۋعا مۇمكىندىك بەرەتىنىن اتاپ ءوتتى, بۇل ءوز كەزەگىندە سىبايلاس جەمقورلىققا قارسى ساياساتتىڭ ودان ءارى باسىمدىقتارىن ايقىنداۋ ءۇشىن ماڭىزدى.
