قوعام • 18 تامىز، 2020

كولىك اپاتىنان كىمدەر زارداپ شەگەدى؟

23 رەت كورسەتىلدى

Freedom Finance Insurance ساقتاندىرۋ كومپانياسىنىڭ ماماندارى زەرتتەۋ بارىسىندا قازاقستاننىڭ قاي اۋماقتارىندا ايەلدەر جول-كولىك اپاتىنا ءجيى تۇسەتىنىن انىقتادى.

باس پروكۋراتۋرانىڭ قۇقىق­تىق ستاتيستيكا جانە ارنايى ەسەپكە الۋ جونىندەگى كوميتەتىنىڭ مالىمەت­تەرى بويىنشا، بىلتىر جول-كولىك وقيعاسىنان 24 585 قازاقستاندىق زارداپ شەككەن. بۇل الدىڭعى جىلمەن سالىستىرعاندا، 8%-دان استام (22 541 ادام).

جول اپاتىنان زارداپ شەككەن (سونىڭ ىشىندە اجالعا تاپ بولعان) ەرلەر سانى ءبىر جىل ىشىندە 9%-عا ءوسىپ، 13 666 ادامدى قۇراعان. ال كولىك اپاتىنان زارداپ شەككەن ايەلدەر سانى 20%-عا تومەن. ولاردىڭ سانى – 10 919 ادام. بۇل 2018 جىلىمەن سالىستىرعاندا 7%-دان اسادى. الايدا كەيبىر اۋماقتاردا زارداپ شەككەن ايەلدەر سانى كوبىرەك. مىسالى، سولتۇستىك قازاقستان وبلىسىندا جانە الماتى قالاسىندا جول-كولىك وقيعاسىنان زارداپ شەككەن ايەلدەر سانى ەرلەر سانىنان 1% جانە 12%-دان استى. نۇر-سۇلتان قالاسىندا زارداپ شەككەن ايەلدەر سانى 7%-دان اسا ادامعا ارتىق. ايەلدەردىڭ قاتىسۋىمەن ەڭ كوپ اپاتتىق وقيعالار بىلتىر الماتى قالاسىندا (2 908)، الماتى وبلىسىندا (1 687)، شىعىس قازاقستان وبلىسىندا (995) جانە جامبىل وبلىسىندا (889) بولعان. ەڭ ازى – سولتۇستىك قازاق­ستان (163)، اتىراۋ (186) جانە ماڭعىستاۋ وبلىستارىندا (196).

Freedom Finance Insurance ساقتان­دىرۋ كومپانياسىنىڭ مالىمەت­تەرى بويىنشا، 2019 جىل­دىڭ قاڭتارىنان 2020 تامىزى­نا دەيىن، وگپو مىندەتتى اۆتو­ساقتاندىرۋ پوليستەرىن ەر جىنىس­تى جۇرگىزۋشىلەردىڭ 82% جانە ايەل جىنىستى جۇرگىزۋشىلەردىڭ 18%-ى رەسىمدەدى. ساقتاندىرۋ جاعدايلارىن زەرتتەۋ بارىسىندا، 10 جول-كولىك وقيعاسىنىڭ 3-ءى كولىك جۇرگىزۋشى ايەلدەردىڭ قاتى­سۋىمەن بولاتىنى انىقتالدى.

ايەلدەردىڭ قاتىسۋىمەن بولاتىن جول-كولىك وقيعاسىنىڭ نەگىزگى سەبەپتەرى: جول ءجۇرۋ بارى­سىندا باسقا اۆتوماشينالارمەن ارالىق قاشىقتىقتى بۇزۋ، قارا­ما-قارسى جولاققا شىعىپ كەتۋ، قيى­لىستاعى جاڭىلىس مانەۆرلەر نە­مە­سە اۆتوتۇراققا ورنالاسۋ با­رى­­سىندا وزگە اۆتوكولىككە نەمەسە ارت­قا شەگىنۋ كەزىندە زاقىم كەلتىرۋ.

ساراپشىلار سونداي-اق ەر جۇر­گىزۋشىلەردىڭ دە ماڭىزدى سەبەپتەرىن اي­قىندادى. ياعني جىلدامدىقتى اسىرۋ، جول ءجۇرۋ بارىسىندا اپات­تىق مانەۆرلەر جاساۋ، ماساڭ حالدە كولىك باسقارۋ جانە جول قيى­لىس­­تا­رىن­داعى باسىمدىلىقتى ساقتاماۋ.

 

 

 

سوڭعى جاڭالىقتار

ۇقساس جاڭالىقتار