«استانا-ويل» مۇناي ءۇيى» جشس «قازىنا كاپيتال مەنەدجمەنت» اق-تان (قكم) قكM Sustainable Development Fund I C. V. (BV Management جشس باسقارۋىندا) ەنشىلەس تىكەلەي ينۆەستيتسيالار قورى ارقىلى ستەپنوگور قالاسىنداعى شاعىن ءموز جاڭعىرتۋدىڭ 2 كەزەڭىن ىسكە اسىرۋ ءۇشىن 941,2 ملن تەڭگە مولشەرىندە ەكىنشى ترانش الدى. جوبا قكم-نىڭ جەڭىلدىكپەن قارجىلاندىرۋ باعدارلاماسى بويىنشا ينۆەستيتسيالار جانە كاسىپورىننىڭ ءوز قاراجاتى ەسەبىنەن جۇزەگە اسىرىلادى. 3,9 ملرد تەڭگە كولەمىندەگى ءبىرىنشى ترانش «استانا-ويل» مۇناي ءۇيى» جشس-نا 2019 جىلدىڭ قىركۇيەگىندە جىبەرىلدى.
شاعىن ءموز اركتيكالىق قىسقى ديزەل وتىنىن وندىرۋگە مامانداندىرىلعان, الىنعان ينۆەستيتسيالار ءوندىرىستى جاڭعىرتۋعا باعىتتالعان. اتاپ ايتقاندا, قكم-نان الىنعان ەكىنشى ترانش جازعى ديزەل وتىنى مەن گاز كوندەنساتىن قىسقى ديزەل وتىنىنىڭ, جوعارى وكتاندى بەنزيننىڭ, پروپان-بۋتان سۇيىتىلعان گازىنىڭ, پەش جانە كەمە وتىنىنىڭ جوعارى ساپالى سۇرىپتارىنا قايتا وڭدەۋ ءۇشىن كومىرسۋتەكتەردىڭ ورتاشا فراكتسيالارىنىڭ كاتاليتيكالىق كونۆەرسيا بلوگى بار «OPTIMA-150» مك مۇناي وڭدەۋ قوندىرعىسىن ەنگىزۋگە پايدالانىلاتىن بولادى. جاڭا يننوۆاتسيالىق تەحنولوگيا قايتا وڭدەۋ تەرەڭدىگىن 95%-عا دەيىن ارتتىرۋعا, تەحنولوگيالىق پروتسەستى جەڭىلدەتۋگە جانە ارزانداتۋعا, قوسىلعان قۇنى جوعارى مۇناي ونىمدەرىن شىعارۋعا جانە وڭىردە جاڭا جۇمىس ورىندارىن قۇرۋعا مۇمكىندىك بەرەدى.
– اينالىم قاراجاتىن تولىقتىرۋعا ءبىرىنشى ترانش بويىنشا الىنعان ينۆەستيتسيالار ارقىلى ءبىز قايتا وڭدەۋ ءۇشىن شيكىزات جەتكىزۋدى تۇراقتاندىردىق جانە ارتتىردىق, بۇل جاڭعىرتۋ اياقتالعاننان كەيىن كاسىپورىنعا تولىق وندىرىستىك قۋاتتىلىققا شىعۋعا جانە ەلدەگى مۇناي ونىمدەرى نارىعىندا اركتيكالىق پەن ساپالى قىسقى ديزەل وتىنىنىڭ تاپشىلىعىن ازايتۋعا مۇمكىندىك بەرەدى, – دەيدى «استانا-ويل» مۇناي ءۇيى» جشس باس ديرەكتورى ۆلاديمير گريششەنكو. – جاڭعىرتۋدى بەلگىلەنگەن مەرزىمدە ىسكە اسىرۋدى جوسپارلاپ وتىرمىز, پاندەميا زاۋىتتىڭ قىزمەتىنە ايتارلىقتاي اسەر ەتپەدى, ويتكەنى ديزەل وتىنىن نەگىزگى ءىرى ساتىپ الۋشىلار, اتاپ ايتقاندا, جەر قويناۋىن پايدالانۋشىلار ءوز ونىمدەرىن ءوندىرۋدى جالعاستىرۋدا جانە مۇناي ونىمدەرىن تولىق كولەمدە ساتىپ الىپ جاتىر. كاسىپورىنداعى بارلىق جۇمىس ورىندارى ساقتالدى, ءوندىرىس كەستە بويىنشا جۇرگىزىلۋدە, ديزەل وتىنىن جونەلتۋ جاسالعان شارتتارعا سايكەس جۇرگىزىلەدى. جاڭا مۇناي وڭدەۋ قوندىرعىسىن ەنگىزگەننەن كەيىن ءبىز قوسىمشا 10-15 ماماندى جۇمىسقا قابىلدايمىز.
