«الماتى قالاسى, بۇكىل قازاقستان بويىنشا دا جالپى ون شاقتى كۇننەن بەرى كۇنىنە شامامەن ىندەتتىڭ جۇعۋى كەمىپ كەلە جاتىر. بۇل جاعداي ەڭسەمىزدى كوتەرىپ, ۇمىتىمىزگە ءۇمىت جالعاپ كەلە وتىر. ىندەتتىڭ تارالۋى قۇرىقتالىپ كەلە جاتىر دەگەن ءسوز عوي بۇل. وسى باعىتتا ۇكىمەت, اكىمدىكتەر, دارىگەرلەر ۇلكەن جۇمىس اتقاردى, اقپارات قۇرالدارى ارقىلى ناسيحات جۇرگىزىلدى. ىندەتتى بىرجولعا قۇرىقتاۋعا از ۋاقىت قالدى دەپ ويلايمىن. سوندىقتان الماتىلىقتاردى وسى ىندەتتى بىرجولعا جەڭۋگە ازعانتاي ۋاقىت قالعاندا بوساڭسىماۋعا شاقىرامىن. ەڭ باستىسى - بوساڭسىماۋ كەرەك!» - دەگەن سماعۇل ەلۋباي وزگە دە ساقتىق شارالارىن ۇستانۋ كەرەكتىگىن, كوپشىلىك جينالاتىن ورىندارعا بارماۋ كەرەكتىگىن ايتتى. بۇل شارالار جاقىن ادامداردىڭ ءومىرىن ساقتاۋعا مۇمكىندىك بەرەدى.
