قور قىزمەتكەرلەرى قايتىس بولعانداردىڭ تۋىستارىمەن بايلانىسىپ, كومەك قابىلداۋعا كەلىسكەن 141 وتباسىن انىقتادى. 2020 جىلعى 10-14 تامىز ارالىعىندا #KustoHelp قايىرىمدىلىق قورى مەديتسينا قىزمەتكەرلەرىنىڭ ءاربىر وتباسىنا 1 ملن تەڭگەدەن اۋداردى. قامتىلماعان وتباسىلار بويىنشا جۇمىس جالعاسۋدا. ويتكەنى, بايلانىس دەرەكتەرى ناقتى انىقتالماعان نەمەسە تۋىستارى بايلانىسقا شىقپاعان وتباسىلار بار.
#KustoHelp قايىرىمدىلىق جوباسىن Kusto Group حالىقارالىق كومپانياسى قۇرعان جانە قازاقستان رەسپۋبليكاسىندا COVID-19 كوروناۆيرۋس پاندەمياسى سەبەبىنەن جاريالانعان توتەنشە جاعداي كەزەڭىندە حالىقتىڭ نەعۇرلىم زارداپ شەككەن جانە وسال توپتارىنا كومەك كورسەتۋگە باعىتتالعان. كارانتين كەزەڭىندە كومەكتىڭ جالپى كولەمى 1 057 654 502 تەڭگەنى قۇرادى.
تومەندە حالىققا جانە دارىگەرلەرگە كورسەتىلگەن كومەكتىڭ نەگىزگى باعىتتارى كورسەتىلگەن.
- بۇكىل قازاقستان بويىنشا 12 000-نان استام وتباسىنا "يا الماتينەتس", "كلۋب دوبرياكوۆ" جانە ت. ب. ۆولونتەرلىك ۇيىمداردىڭ قولداۋىمەن جالپى سوماسى 153 ملن. تەڭگەگە ازىق-ت ۇلىك جيىنتىعى بەرىلدى.
- وتباسى ۇلگىسىندەگى بالالار ءۇيى ءۇشىن 1 شاعىن اۆتوبۋس جانە قوستاناي مەن جامبىل وبلىستارىنىڭ اۋداندىق اۋرۋحانالارى ءۇشىن 2 رەانيموبيل ساتىپ الىندى.
- بۇكىل قازاقستان بويىنشا 100-گە جۋىق مەديتسينالىق مەكەمەلەرگە جالپى سوماسى 294.3 ملن.تەڭگەگە جەكە قورعانۋ قۇرالدارى, ءدارى-دارمەكتەر جانە جابدىقتار تۇرىندە كومەك كورسەتىلدى.
- 150 كىشى مەديتسينا قىزمەتكەرىنە جالپى سوماسى 17 ملن. تەڭگەگە اتاۋلى ماتەريالدىق كومەك كورسەتىلدى.
- قازاقستاننىڭ 50-دەن استام اۋرۋحاناسىنىڭ دارىگەرلەرى مەن پاتسيەنتتەرىن تاماقتاندىرۋ ءۇشىن 176 ملن.تەڭگە سوماسىنا KazBeef 80 توننا ەت ءونىمى جەتكىزىلەدى.
- 2020 جىلعى 15 تامىزدا قازاقستاننىڭ ۋكرايناداعى ەلشىلىگىنىڭ قولداۋىمەن ءدارى-دارمەكتەر – 55 000 لەۆوفلوكساتسين قاپتاماسى جانە 28 330 مەروپەنەم قۇتىسى قازاقستاننىڭ وبلىستىق جانە قالالىق اۋرۋحانالارىنا تاراتىلۋى ءۇشىن «سك فارماتسياعا» بەرىلدى. كومەكتىڭ جالپى سوماسى 86.7 ملن تەڭگەنى قۇرادى.
- قازاقستان رەسپۋبليكاسى دەنساۋلىق ساقتاۋ مينيسترلىگى جاساعان تىزىمدەر بويىنشا كوروناۆيرۋس سالدارىنان قايتىس بولعان 141 مەديتسينا قىزمەتكەرلەرىنىڭ وتباسىنا ماتەريالدىق كومەك كورسەتىلدى.
- تۇرعىن ءۇي باعدارلاماسى جۇزەگە اسىرىلۋدا, #KustoHelp كوپبالالى از قامتىلعان وتباسىلارعا تۇرعىن ءۇي ساتىپ الۋعا جانە سالۋعا كومەك كورسەتۋدە. تۇرعىن ءۇي باعدارلاماسىنىڭ جالپى سوماسى 90.4 ملن. تەڭگەنى قۇرايدى.
- سەمەي, شىمكەنت, جامبىل جانە قىزىلوردا وبلىستارىنىڭ وقۋشىلارىنا 19 ملن. تەڭگە سوماسىنا 410 پلانشەت بەرىلدى.
