ءبىلىم • 17 تامىز، 2020

الەۋمەتتىك وسال توپتاعى بالالاردى قولداۋ اكتسياسى 18 تامىزدا باستالادى

783 رەت كورسەتىلدى

الەۋمەتتىك وسال توپتاعى بالالاردى قولداۋ اكتسياسى 18 تامىزدا باستالادى. بۇل تۋرالى اكىمدىكتىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

ەلوردادا جاڭا وقۋ جىلى قارساڭىندا بالالاردى مەكتەپكە دايىنداۋ، ونىڭ ىشىندە الەۋمەتتىك ءالجۋاز توپتاعى وقۋشىلارعا قولداۋ كورسەتۋ ءىس-شارالارى باستالدى.

جىل سايىن قازاقستان رەسپۋبليكاسى ۇكىمەتىنىڭ 2008 جىلعى 25 قاڭتارداعى № 64 قاۋلىسىنىڭ نەگىزىندە جالپىعا مىندەتتى ورتا ءبىلىم بەرۋ اياسىندا الەۋمەتتىك ءالجۋاز توپتاعى مەكتەپ وقۋشىلارىنا ماتەريالدىق كومەك كورسەتىلەدى.

جالپىعا مىندەتتى ورتا ءبىلىم بەرۋ قورى شەڭبەرىندە، كيىم، اياق كيىم، قاجەتتى وقۋ قۇرالدارىن ساتىپ الۋ قاراستىرىلعان.

ەرەجەدەگى سوڭعى وزگەرىستەرگە سايكەس، كومەك كورسەتۋ قازاقستان رەسپۋبليكاسىنىڭ ۇلتتىق كاسىپكەرلەر پالاتاسى ۇسىنعان ءونىم جەتكىزۋشىلەر ارقىلى جۇرگىزىلەدى. وتكەن جىلى 30 مىڭ تەڭگە كولەمىندە سەرتيفيكات تۇرىندە 12 690 وقۋشى كومەك الدى.

"بيىل الەۋمەتتىك كومەك مولشەرى ءبىر بالاعا 40 مىڭ تەڭگە كولەمىندە ۇلعايتىلدى. 17 مىڭعا جۋىق وقۋشىنى قامتۋدى جوسپارلاپ وتىرمىز"، دەدى بريفينگ بارىسىندا ءبىلىم باسقارماسىنىڭ باسشىسى شولپان قادىروۆا.

اتا-انالاردىڭ كومەك كورسەتۋ قىزمەتتەرىن جاقسارتۋ تۋرالى ۇسىنىستارى مەن پىكىرلەرىن ەسكەرە وتىرىپ، "اتامەكەن" ۇكپ بىرىگىپ بالالاردىڭ جەكە كولىك كارتالارىن قولدانۋ ارقىلى جاڭا مەحانيزم ازىرلەنگەن. جوعارىدا ايتىلعان 40 مىڭ تەڭگە بالانىڭ كولىك كارتاسىنا 40 مىڭ بىرلىك تۇرىندە تولتىرىلادى.

"اتا-انا تاۋاردى تاڭداپ، ساتۋشىعا بالانىڭ كولىك كارتاسىن ۇسىنادى. ساتۋشى، ارنايى باعدارلاما ارقىلى، تاڭدالعان تاۋاردىڭ اقىسىن كارتادان بىرلىك رەتىندە الادى. الەۋمەتتىك بىرلىكتەردىڭ قوزعالىسى جەكە كابينەتتەردە باقىلانادى، بۇل قاراجاتتىڭ اشىقتىعى مەن ماقساتتى پايدالانىلۋىن قامتاماسىز ەتەدى"، دەپ ءتۇسىندىردى ش.قادىروۆا.

باسقارما باسشىسىنىڭ ايتۋىنشا، وتكەن جىلى ءونىم ساپاسى مەن اسسورتيمەنتىنە قاتىستى سىن كوپ ايتىلعان.

"سوندىقتان، ءبىز "اتامەكەن" ۇكپ بىرلەسىپ، قاتىسۋشى كومپانيالار مەن ساۋدا نۇكتەلەرىن ۇلعايتۋ بويىنشا جۇمىس جۇرگىزدىك. ەگەر وتكەن جىلى 10 كومپانيا مەن 16 ساۋدا ورنى بولسا، بيىل 16 كومپانيا مەن 27 ساۋدا ورنى بولادى"، دەدى ءبىلىم باسقارماسىنىڭ باسشىسى.

قازىرگى ۋاقىتتا مەكتەپتەردە بالالار دەرەكتەرىن اۆتوماتتاندىرىلعان جۇيەگە ەڭگىزۋ جۇمىستارى جۇرگىزىلۋدە، دەرەكتەردىڭ جاڭارتىلۋىنا جانە مارتەبەسىنىڭ راستالۋىنا قاراي ەنگىزىلەدى.

جالپىعا مىندەتتى ورتا ءبىلىم بەرۋ قورىنان كومەك الۋ ءۇشىن اتا-انالار بالاسى وقيتىن مەكتەپكە ءوتىنىش جازادى.

ءوتىنىشتى 15 جۇمىس كۇنى ىشىندە مەكتەپتىڭ القالى ۇيىمى قارايدى.

اتا-انالار ءۇشىن ساۋدا ورىندارىنىڭ مەكەن-جايلارى كورسەتىلگەن جادىناما ازىرلەنىپ، ولار "قامقور" لوگوتيپىمەن بەلگىلەنەدى.

"ەرتەڭنەن، ياعني 18 تامىزدان باعدارلامانى باستاپ، 31 قازاندا اياقتاۋدى جوسپارلاپ وتىرمىز. سونىمەن بىرگە، اتا-انالاردان ساۋدا ورىندارىندا ساتىپ الۋشىلار اراسىنداعى اراقاشىقتىققا قويىلاتىن تالاپتاردى ياعني 1 مەتر قاشىقتىقتى، ماسكا تاعۋ ءتارتىبىن ساقتاۋدى، قولدى انتيسەپتيكپەن وڭدەۋدى سۇرايمىز. بۇل بالالار مەن ەرەسەكتەردىڭ دەنساۋلىعى مەن قاۋىپسىزدىگىن قامتاماسىز ەتۋدىڭ جالعىز جولى ەكەنىن ايتقىم كەلەدى"، دەدى سپيكەر.

ەسكە سالايىق، جالپىعا مىندەتتى ورتا ءبىلىم بەرۋ قورى شەڭبەرىندە كيىم، اياق كيىم، قاجەتتى وقۋ قۇرالدارىن ساتىپ الۋ، وقۋ ورنىندا تاماقتانۋ، مەكتەپتەگى مادەني-بۇقارالىق جانە سپورتتىق شارالارعا قاتىسۋ قامتاماسىز ەتىلەدى.

جەرگىلىكتى وكىلدى ورگاندار قالا سىرتىنداعى جانە مەكتەپ جانىنداعى لاگەرلەرگە جولدامالار بەرۋ ءۇشىن جەرگىلىكتى بيۋدجەتتەردە قوسىمشا قاراجات كوزدەۋگە قۇقىلى.

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

دارىگەر-جازۋشىلار

ادەبيەت • بۇگىن، 08:34

زاڭسىز سالىنعان ءۇي ءسۇرىلدى

ايماقتار • بۇگىن، 08:30

جالعان شوت-فاكتۋرا جارعا جىقتى...

ايماقتار • بۇگىن، 08:27

قىمبات وپەراتسيانى تەگىن جاسادى

مەديتسينا • بۇگىن، 08:22

5 ادام سۋعا كەتتى

قوعام • بۇگىن، 08:20

جاستارعا ارنالعان جارمەڭكە

قوعام • بۇگىن، 08:18

جاستار جۇمىسپەن قامتىلدى

قوعام • بۇگىن، 08:15

ۇقساس جاڭالىقتار