– بۇگىنگى تاڭدا قازاقستان اۋماعىنىڭ شامامەن 9%-ى ەرەكشە قورعالاتىن تابيعي اۋماق مارتەبەسىنە يە. بۇۇ مەن باسقا دا حالىقارالىق ۇيىمداردىڭ ۇسىنىسى بويىنشا بۇل كورسەتكىشتى 10 جىل ىشىندە 12%-عا دەيىن ارتتىرۋ كەرەك. ال ەرتىس وزەنىنىڭ القابى وسىنداي اۋماق تىزىمىنە ەنۋى مۇمكىن», دەدى ۆەدومستۆو باسشىسى.
ەكوبەلسەندىلەرمەن ءوڭىردىڭ ەكولوگياىق وزەكتى ماسەلەلەرى تالقىلانعان جيىندا مينيستر قازىر پاۆلودار وبلىسى بويىنشا جول كارتاسىنىڭ جوباسى جاسالىپ جاتقانىن, وندا وڭىردەگى ەكولوگيالىق جاعدايدى جاقسارتۋ ءۇشىن شارالار بەلگىلەنەتىنىن, بۇل رەتتە مينيسترلىك قالا جۇرتشىلىعىمەن بىرگە جۇمىس ىستەۋگە نيەتتى ەكەنىن جەتكىزدى. سونىمەن قاتار كاسىپورىنداردا ەڭ وزىق قولجەتىمدى تەحنولوگيالاردى (وقت) ەنگىزۋ, جاسىل جەلەك سانىن ارتىرۋ, حالىقتىڭ ەكولوگيالىق مادەنيەتىن جاقسارتۋ جانە ەكولوگيالىق زاڭنامانى بۇزعانى ءۇشىن ايىپپۇلدى قاتايتۋ ماسەلەسى قوزعالدى. ماسەلەن, حالىقتىڭ پاۆلودار قالاسىندا ۋلى وندىرىستەردى سالۋعا تىيىم سالۋ تۋرالى وتىنىشىنە جاۋاپ رەتىندە مينيستر ناقتى ەلدى مەكەندەگى نەمەسە وڭىردەگى لاستانۋ دەڭگەيىنە قاتىستى حالىقارالىق تاجىريبەنى قازاقستاندا ەنگىزۋ جوسپارلانىپ وتىرعانىن, جاڭا ەكولوگيالىق كودەكسكە ءتيىستى نورمالار ەنگىزىلگەنىن اتاپ ءوتتى.
كەز كەلگەن قاۋىپتى ءوندىرىستى سالۋ كەزىندە قوعامدىق تىڭداۋلار وتكىزىلۋى مۇمكىن. سونداي-اق جاڭا كودەكس جوباسىندا حالىقتىڭ جوبالاردىڭ قابىلدانۋىنا اسەر ەتۋىن كۇشەيتۋگە ارنالعان تارماقتار بار. جاسىل جەلەك تۋرالى ماسەلەلەر جول كارتاسىنا ەنگىزىلەدى. قورشاعان ورتانى لاستايتىن كاسىپورىنداردىڭ تابيعاتتى قورعاۋ ءىس-شارالار جوسپارىنا اعاش ەگۋدى ەنگىزۋدى جوسپارلاپ وتىرمىز. ءبىز مۇنى ERG كومپانياسىمەن دە تالقىلايمىز. سونىمەن قاتار ءۇش جىل ىشىندە اعاش كەسكەنى ءۇشىن نورماتيۆتىك-قۇقىقتىق بازانى قاتايتۋ, وتەماقى رەتىندە اعاش وتىرعىزۋ مەن وعان كۇتىم جاساۋدى تالاپ ەتۋ جوسپارلانۋدا. قوقىس لاقتىرۋعا, اعاشتاردى كەسۋگە, بەلگىلەنبەگەن ورىنعا كولىك قويۋعا جانە ت.ب. جول بەرەتىن تومەن ەكولوگيالىق مادەنيەت ماسەلەسىن ايتا كەلىپ, مينيستر مۇنداي زاڭبۇزۋشىلىقتار ءۇشىن جازا كۇشەيتىلەتىنىن ايتتى. الداعى ۋاقىتتا مەكتەپتەردە ەكولوگيالىق مادەنيەت ءپانىن ەنگىزۋ ءۇشىن ءبىلىم جانە عىلىم مينيسترلىگىمەن بىرلەسىپ ونلاين دوڭگەلەك ۇستەل وتكىزۋ جوسپارلانىپ وتىر. ايتا كەتەلىك, كەزدەسۋدە پرەزيدەنتتىڭ ەكولوگيا ءپانىن ەلىمىزدىڭ ورتا جانە جوعارى وقۋ ورىندارىندا مىندەتتى ءپان رەتىندە ەنگىزۋ تۋرالى باستاماسىنا قولداۋ ءبىلدىرىلدى.
«جاڭا تەحنولوگيالارعا كەلەتىن بولساق, ءبىز جاڭا ەكولوگيالىق كودەكستىڭ جوباسىنا ەڭ وزىق قولجەتىمدى تەحنولوگيالار نورماسىن ەنگىزدىك. وعان 1300-گە جۋىق ءبىرىنشى ساناتتاعى كاسىپورىندار كوشۋى ءتيىس. ياعني شىعارىندىلار كولەمىن ەداۋىر تومەندەتەتىن تەحنولوگيالاردى ەنگىزۋ كەرەك. ەگەر قورشاعان ورتانى لاستايتىن كەم دەگەندە 50 كاسىپورىندى وسىعان كوشىرسەك, ماسەلەنىڭ 80%-ى شەشىلەدى. ءبىز وسى رەتتە كاسىپورىنداردى تەكسەرۋدى باستادىق. ەۋروپادا وقت ەنگىزۋ ءۇشىن 15 جىل قاجەت بولدى. قازاقستاندا بارلىق جۇمىس ىستەيتىن كاسىپورىندار 2035 جىلعا قاراي وقت جۇيەسىنە كوشۋى ءتيىس. 2025 جىلدان باستاپ سالىنعان بارلىق كاسىپورىندا جۇمىس ىستەپ تۇرعان وقت بولۋى ءتيىس. كاسىپورىندار بۇل رەتتە ۇنەمدەلگەن اقشانى وقت ەنگىزۋگە سالۋعا ىنتالانۋى ءۇشىن مەملەكەت ەميسسيا تولەتۋدەن باس تارتۋعا دايىن», دەدى م.مىرزاعاليەۆ.
