سول سەبەپتى دە ءار مەملەكەت پاندەميا جاعدايىندا دا ءتورت قۇبىلاسىن تەڭ ۇستاۋعا مۇددەلى. قازاقستانداعى ساياسي وزگەرىستەردىڭ ءبىرى – سايلاۋ الدىنداعى پرايمەريز.
دامىعان ەلدەردىڭ ءىس-تاجىريبەسىن ءجىتى زەردەلەگەن Nur Otan پارتياسى سايلاۋعا تۇسەتىن كانديداتتى ءوز ىشىندە تاڭداۋ ءۇشىن وسى ءادىستى قولدانۋدا. ول ءۇشىن پارتياىشىلىك ىرىكتەۋ وتكىزۋدىڭ ەرەجەلەرى بەكىتىلدى. سول ەرەجە بويىنشا قازاقستان رەسپۋبليكاسى پارلامەنتىنىڭ ماجىلىسىنە جانە بارلىق دەڭگەيدەگى ماسليحاتتارعا دەپۋتاتتىققا, پارتيانىڭ, فيليالدارىنىڭ ورگاندارىنا كانديداتتاردى ۇسىنۋعا جانە مەملەكەتتىك ورگاندارداعى لاۋازىمدارعا ۇسىنىم جاساۋعا ارنالعان پارتيالىق تىزىمدەرگە ودان ءارى ەنگىزۋ ءۇشىن الدىن الا پارتياىشىلىك ىرىكتەۋ جۇرگىزىلەدى. ياعني پراي̆مەريزدىڭ نەگىزگى ماقساتى – سايلاۋعا ءتۇسۋ ءۇشىن باسەكەلەستىك تۇرعىدا جاڭا كوشباسشىلاردى تاڭداۋ. ەل باسىنا كۇن تۋعاندا حالىققا كومەك قولىن سوزعان پارتيا ەلدىڭ ساياسي الەۋەتىنىڭ ارتۋى ءۇشىن قيىن قىستاۋ كەزەڭگە قاراماي العا قادام باسۋدا. بۇل سايلاۋالدى پارتياىشىلىك ىرىكتەۋ. پرايمەريز ەرەجەسىندە پارتيالىق جانە الەۋمەتتىك توپتار بويىنشا كۆوتا قاراستىرىلعان. پارتيالىق كۆوتا پارتيادا كوپ جىل ەڭبەك ەتكەن بەدەلدى جانە حالىق سەنىمىنە يە بولعان, كاسىبي قىزمەتى مەن قوعامدىق ومىرىندە كوپ جەتىستىككە جەتكەن كانديداتتارعا بەرىلەدى. ال الەۋمەتتىك توپتارعا ارنالعان كۆوتاعا كوپبالالى انالار, تۋعان جەرگە ورالعان ازاماتتار, مۇمكىندىگى شەكتەۋلى جاندار جانە باسقا دا الەۋمەتتىك توپتاردىڭ وكىلدەرى سايلاۋشىلاردىڭ وڭىرلىك قۇرىلىمىنا سايكەس ەنگىزىلۋى مۇمكىن.
پرايمەريز ءادىسىنىڭ ۇتىمدى جاعى, بىرىنشىدەن, بۇل شالعاي ەلدى مەكەندەردەگى پارتيانىڭ مۇشەلەرىنە ءوز ويىن اشىق ايتىپ, جوسپارىن جان-جاقتى تالداپ كورسەتۋگە جول اشادى. ەكىنشىدەن, ۇمىتكەرلەردىڭ سايلاۋالدى باعدارلامالارى ارقىلى تۇرعىلىقتى جەرلەرىندەگى وزەكتى ماسەلەلەردى كوتەرىپ, ونىڭ شەشىلۋ جولدارىن كورسەتەدى. ۇشىنشىدەن, بۇل پارتيانىڭ ازاماتتارعا جاساپ وتىرعان ساياسي مۇمكىندىگى, ياعني, ءوزىنىڭ تالابىن دالەلدەگەن ۇمىتكەرگە پارتيا باسپالداعىنان ودان ءارى كوتەرىلۋگە جول اشاتىن الەۋمەتتىك ليفت.
Nur Otan پارتياسى ءسوزى مەن ءىسى ۇيلەسكەن حالىقتىڭ پارتياسى. ءبىر عانا مىسال كەلتىرسەك, كوروناۆيرۋس تاراعان ۋاقىتتان بەرى حالىقتىڭ الەۋمەتتىك جاعدايىن كوتەرۋ ماقساتىندا بىرقاتار يگى شارالاردى قولعا الدى. ونىڭ ءبىرى Birgemiz قورىمەن بىرىگىپ الەۋمەتتىك جاعدايى تومەن وتباسىلارعا ءبىر رەتتىك 50 مىڭ تەڭگە بەرىلدى. سونداي-اق ءدارىحانالاردا ءدارى تاپشىلىعى سەزىلگەن ۋاقىتتا دارىلەر مەن كۇندەلىكتى تۇتىناتىن ازىق-ت ۇلىكتىڭ باعاسىن قاداعالاپ, قالتالى ازاماتتاردى قايىرىمدىلىق ىسكە جۇمىلدىرۋعا مۇرىندىق بولدى.
قازىرگى قيىن جاعدايدا قاراپايىم حالىقتىڭ پسيحولوگيالىق, مورالدىق, ماتەريالدىق تۇرعىدان تىعىرىققا تىرەلگەنى جاسىرىن ەمەس. دەپۋتاتتار اتىنا دا ءتۇرلى سىن-ەسكەرتپەلەر ايتىلۋدا. ەل ىشىندەگى وسى جاعدايدى ەسكەرە وتىرىپ, پارتيا ەل باسىنا تۇسكەن قيىن جاعدايدان شىعۋدىڭ جولىن قاراستىرىپ, ءتيىمدى جاعىن قولعا الىپ, ونى ناقتى ىسكە اسىرۋعا كۇش سالىپ وتىر.
الداعى ۋاقىتتا Nur Otan پارتياسى الدا كەلە جاتقان ءماجىلىس جانە بارلىق دەڭگەيدەگى سايلاۋعا تۇسكىسى كەلەتىن ازاماتتاردى وسى پرايمەريز ارقىلى ىرىكتەيتىن بولادى. ەلىمىزدىڭ تۇرعىندارىنان ءوز ايماقتارىنداعى پارتيا مۇشەلەرىنىڭ ىشىنەن ءسوزى مەن ءىسى ۇيلەسكەن ىسكەر, ەلدىڭ ءار پروبلەماسىنا بەيجاي قارامايتىن ادال ازاماتتارعا داۋىس بەرۋگە شاقىرامىن. كەز كەلگەن ادام شاعىن اۋىلدىڭ, شاعىن اۋداننىڭ نەمەسە وبلىستىڭ ماسەلەسىن شەشە السا, ول ەرتەڭ مەملەكەت ءىسىن دە ءدال سونداي جاۋاپكەرشىلىكپەن اتقارا الادى دەپ بىلەمىن. « ۇلىم دەيتىن ەلى بولماسا, ەلىم دەيتىن ۇل قايدان بولسىن» دەپ الاشتىڭ ارداقتىسى احمەت بايتۇرسىن ۇلى ايتپاقشى, ەلدىڭ ەڭسەسىن تىكتەپ, تۋىن كوككە كوتەرەر ازاماتتارىمىزدىڭ جولىن اشايىق.
ءابدىماناپ بەكتۇرعانوۆ,
ءماجىلىس دەپۋتاتى,
Nur Otan پارتياسى فراكتسياسىنىڭ مۇشەسى
