جاقسىلىق جاساۋدىڭ ءلاززاتى

– وبلىس ۆولونتەرلەرىنىڭ جۇمىسى جاستار ورتالىقتارى ارقىلى ۇيلەستىرىلەدى. وبلىستا جوو مەن كوللەدجدەردە قۇ­رىلعان كىشى توپتارداعى ەرىك­تى­لەردى قوسقاندا 5 مىڭنان اسا جاس ۆولونتەر رەتىندە تىركەلگەن. ۆولونتەرلىك قىزمەتتىڭ باعىتتارى دا, تۇرلەرى دە كوپ. مەملەكەتتىك دەڭگەيدە بەلگىلەنگەن 7 باعىت بار.

جىل باسىندا وبلىستا ۆو­لون­تەر جىلىن وتكىزۋ بويىنشا تۇجىرىمداما ازىرلەنىپ, بارلىق باعىتتى قامتيتىن ءىس-شارالار جوسپارى بەكىتىلدى. الايدا ناۋرىز ايىنان باستاپ ىندەتكە بايلانىستى كوپ ءىس-شارامىز توقتادى. دەسەك تە كارانتين كەزىندە ۆو­لون­تەرلىك باستامالاردى ىندەتكە قارسى كۇرەسكە باعىتتاپ, جاس­تار­دى جۇمىلدىردىق. ساۋلىق باعىتىندا ء«جۇز جاساڭىز», «مەن دونورمىن!» اتتى سالاماتتى ءومىر سالتىنا ۇندەيتىن شارالار كارانتينگە دەيىن ءوتتى. «اسىل مۇرا» باعىتىنداعى شارالاردى دا اتاپ وتەر ەدىم. بۇل باعىتتا جالپىۇلتتىق دەڭگەي­دە­گى تۇركىستان وبلىستىق فرونت-كەڭسەسىن اشتىق. ەڭ اۋەلى تۇر­كى­­س­تان وبلىسىنداعى تاريحي-مادەني ەسكەرتكىشتەردىڭ ءتىزىمىن الىپ, ولاردى ناسيحاتتاۋدا, اباتتاندىرۋدا ۆولونتەرلەردىڭ كۇشىمەن قانداي جۇمىس جۇرگىزۋگە بولاتىنىنا مونيتورينگ جاساپ, جوسپار قۇردىق. جىبەك جولى بويىنداعى ەجەلگى قالالار – وتىرار, ساۋران, تۇركىستان قالاسىنداعى ەجەلگى قورىمدا تازالىق جۇمىستارىن جۇرگىزدىك. بايدىبەك اۋدانىنداعى اپپاق يشان مەشىتىن اقتاپ-سىرلاۋعا, ساۋران قالاسىنداعى رەستاۆراتسيالىق جۇمىستارعا ۆولونتەرلەر تارتىلدى. ەجەلگى قامالداردىڭ قۇلاعان نەمەسە وسال تۇستارىنا ەرىكتىلەر رەستاۆراتورلارمەن بىرگە كىرپىش تاسىپ, كەسەك قالاۋعا قولۇشىن بەردى. قوجا احمەت ياساۋي كەسەنەسى ماڭىندا (كۇلتوبە) ارحەولوگيالىق قازبا جۇمىستارىنا ەرىكتىلەر قاتى­سۋ­دا. جاڭا وبلىس ورتالىعىن ۇلكەن تۋريزم ورتالىعىنا اينالدىرۋ باعىتىندا «الەمگە قۇشاق اشقان تۇركىستان» دەگەن تا­قىرىپتا جۇيەلى ۆولونتەرلىك قوزعالىستاردى ۇيىمداستىردىق.

بولاشاقتا تۇركىستان ۇلكەن تۋريستىك ورتالىققا اينالادى. سول سەبەپتى قالامىزدىڭ قىز­مەت كورسەتۋ ورتالىقتارى – اسحانا, ءدامحانا, مەيرامحانالار مەن قوناقۇيلەر تۋريستەردى قابىلداۋعا دايىن بولۋى كەرەك. جەرگىلىكتى حالىقتىڭ تۋريستەردى, شەتەلدىكتەردى قابىلداۋى, ولارعا قىزمەت كورسەتۋ مادەنيەتى, قو­ناقجايلىلىق پەيىل جونىندە تۇ­سىن­دىرمە جۇمىستارىن جۇرگىز­دىك. «قىزمەت كورسەتۋدىڭ 10 التىن قا­­عيداسى» دەگەن تۇجىرىمدى جا­ساپ, سول قاعيدا بويىنشا بۋك­لەت­تەر, جاپسىرمالار باسىپ شى­عا­رىپ, قىزمەت كورسەتۋ ورىندارىنا تاراتتىق.

– الەمدى شارپىعان ىندەت تۇركىستان ءوڭىرىن دە اينالىپ وتپە­گەنى انىق. وسىنداي سىن ساعاتتا ەرىكتىلەر قاي دەڭگەيدە قىز­مەت كورسەتتى؟ كارانتين كە­زىن­دە جۇمىس قالاي ءجۇردى؟

– توتەنشە جاعداي جاريا­لان­عان كەزدە ۆولونتەرلىك جۇ­مىس­تار­دى قاشىقتان جۇزەگە اسىرۋعا تۋرا كەلدى. «جاستار online» اتتى ۇزدىكسىز دامۋ فورمۋلاسى اياسىندا «ناۋرىز» تاقىرىبىن­دا كوركەمسوز وقۋ بەينەبايقاۋى, قا­­شىقتان وقىتاتىن «قولجەتىم­دى اعىلشىن» جوباسىن قولعا الدىق. قازۇۋ, نازارباەۆ ۋني­ۆەرسيتەتىنىڭ ستۋدەنتتەرىن ۆو­لون­­تەرلىككە تارتىپ, 500 بالا اعىلشىن ءتىلى كۋرسىن تەگىن وقىدى. ۇبت-عا دايىندىق ونلاين كۋرستارىن دا تەگىن وتكىزدىك. كارانتين كەزىندە جالپى 1700 اكتسيا وتكى­زىلىپ, وعان 6 مىڭعا جۋىق ۆولونتەر جۇمىل­دى­رىلدى. 200 مىڭ دانا بەتپەردە مەن انتيسەپتيكالىق قۇرالدار جانە Nur Otan پارتياسىمەن بىر­لەسىپ 17 مىڭ الەۋمەتتىك از قامتىلعان وتباسىنا ازىق-ت ۇلىك سەبەتتەرىن تاراتتىق. حالىق كوپ شوعىرلانعان ورىنداردا 30 مىڭنان اسا اقپاراتتاندىرۋ پاراقشاسى تاراتىلىپ, تۇسىن­دىر­مە جۇمىستارى جۇرگىزىلدى. ورتا­لىعىمىزدىڭ قىزمەتكەر ەر-ازاماتتارى توتەنشە جاع­داي­عا بايلانىستى دەزينفەكتسيا­لاۋ تاعىلىمداماسىنان ءوتىپ, قالاداعى ستراتەگيالىق نىسان­دار­دا زارارسىزداندىرۋ جۇ­مىس­تارىنا قاتىستى. ءبىزدىڭ ورتا­لىق­تىڭ جانىنان قۇرىلعان Jas Turkistan ەرىكتىلەر قوزعالىسى Nur Otan پارتياسى وبلىستىق فيليالىمەن بىرگە ء«ومىر» جانە «شيپا» اتتى 2 جوبانى جۇزەگە اسىردى. وبلىستىق ءماسليحات دەپۋتاتتارى, پارتيانىڭ مۇرىن­دىق بولۋىمەن جۇزەگە اسقان جو­با اياسىندا شەتەلدەن 50 تىنىس الۋ اپپاراتىن الدىرىپ, وڭىر­دەگى ەمحانالارعا تاراتتىق. وبلىستاعى تۇرمىسى تومەن, كوپ­بالالى وتباسىلارعا 500-دەن اسا ءدارى-دارمەك قوبديشاسى تاراتىلدى. بۇل يگى ءىس ءالى كۇنگە دەيىن جال­عاسۋدا.

– امالبەك, جالپى, ۆولونتەر دەگەنىمىز كىمدەر جانە كەز كەلگەن جاس ۆولونتەر بولا الا ما؟ ول ءۇشىن ادامنىڭ بويىندا قانداي قاسيەتتەر بولۋ كەرەك؟

– بۇل – ءبىر كاسىپ ءتۇرى نەمەسە ماماندىق ەمەس. ۆولونتەرلىكتىڭ باستى قاعيداسى – جاقىنىڭا جاناشىر بولۋ, قورشاعان ورتا­عا, اينالاڭا, قوعامعا بەيجاي قاراماۋ. تۇجىرىپ ايتساق: بىل­گەنىڭ­دى ءبولىسۋ, جولاۋشىعا جول كورسەتۋ, ۇلكەنگە ىزەت, كىشىگە قۇرمەت, قامقورلىق تانىتۋ. ەرىك­تى­لىكتىڭ نەگىزى حالقىمىزدىڭ ەج­ەل­­­دەن كەلە جاتقان اسار مادە­نيە­­تىندە جاتىر. بەس ادام بىرىگىپ 10 ادامعا, 10 ادام بىرىگىپ 100 ادامعا جاقسىلىق جاساۋعا بولادى. كوپ ادام توپتاسىپ مىڭداعان ادامعا كومەك قولىن سوزا الادى. ۆولونتەرلەر بىرىگە وتىرىپ قوعامعا, قوعامدىق يگىلىككە باعىتتالعان قىزمەتتەردى جۇزەگە اسىرادى. حاكىم اباي ايتقان بەس اسىل ءىس ادامنىڭ بويىنان تابىلسا, «بەس دۇشپانىڭ» دەپ بەلگىلەگەن قاسيەتتەردەن اۋلاق بولسا, ەرىكتى عانا ەمەس, ول ادام ەلگە جاناشىر ازامات بولىپ قالىپتاسادى.

– ۆولونتەرلەردى ىنتالاندىرۋ جاعى قالاي؟ ولار راسىندا بۇل ىسكە ىقىلاسپەن كەلە مە؟

– ولار ىستەگەن قىزمەتىنە اقى المايدى. سەبەبى ۆولونتەرلىك قىزمەت – ادامنىڭ نيەتىمەن ولشە­نەتىن دۇنيە. قىز­مە­تىنىڭ وتەمى – العىس. ول العىس الۋدان, جاقسىلىق جاساۋدان ءلاززات الۋى ءتيىس. ءبىز ولاردىڭ نيەتىن جۇزەگە اسىرۋ ءۇشىن موتيۆاتسيالىق جۇمىستار جۇرگىزەمىز. كوپ الدىندا كوتەرمەلەپ, ماراپاتتايمىز. ول تۇرلىشە فورمادا جۇزەگە اسادى. ىنتالاندىرۋدىڭ باستى جولى – ولاردى قوعامدىق يگىلىككە باعىتتالعان جوبانى جۇ­زەگە اسىراتىنىن, ۆولونتەرلىك قوز­­عالىسى ارقىلى ءومىرىمىزدى, اي­نا­لامىزدى نۇرلاندىرۋعا بو­لا­تىندىعىن ۇعىندىرۋ. ولار ۆولونتەرلىك قىزمەتتى يگەرۋ ارقى­لى جاڭا ءبىر سالانى يگەرەدى, جاڭا دوستار تابادى. سوندىقتان جاستار ءۇشىن قىزىقتى دا پايدالى قىزمەت.

اڭگىمەلەسكەن

اتىرگۇل ءتاشىم,

جۋرناليست