"كەلىنشەكتىڭ بۇل تۇڭعىش ءسابيى. ەسەپكە الىنىپ, ءۇي جاعدايىندا باقىلاۋدا تۇراتىن كەلىنشەكتىڭ جاعدايىنا قاراي ارەكەت جاساپ, امان-ەسەن بوساندىرىپ الدىق. قازىردە ءسابيدىڭ دە, اناسىنىڭ دا جاعدايى قاناعاتتانارلىق", - دەيدى "جەتىساي" اۋداندىق اۋرۋحاناسى پەرزەنتحانا ءبولىمىنىڭ مەڭگەرۋشىسى ايناگۇل امىرەەۆا.
الەمدىك دەڭگەيدە قاۋىپ ءتوندىرىپ, ادامزات بالاسىنىڭ الدىن وراعان اۋرۋعا بايلانىستى جاريالانعان توتەنشە جاعداي مەن كارانتيندىك رەجيمگە قاراماستان دارىگەرلەردىڭ كاسىبيلىگىنىڭ ناتيجەسىندە جىل باسىنان بەرى جەتىساي اۋداندىق پەرزەنتحاناسىندا 2800 ءسابي دۇنيەگە كەلگەن. ولاردىڭ 50-ءى ەگىز بولسا, 400-گە جۋىعى وتا ارقىلى تۋىلعان. بۇگىندە بارلىعىنىڭ دەنساۋلىعى جاقسى.
