ءوز كەزەگىندە ەل تىنىشتىعى مەن قاۋىپسىزدىگىن قامتاماسىز ەتەتىن پوليتسەيلەر مال ۇرلىعى قىلمىسىن بولدىرماۋ, الدىن الۋ جولىندا جەدەل-قىزمەتتىك جۇمىسىنىڭ ءتيىمءدىلىگىن ارتتىرۋدا.
ماسەلەن, قىزىلوردالىق پوليتسەيلەردىڭ جەدەل ارەكەتتەرىنىڭ ناتيجەسىندە تاۋلىك ىشىندە وبلىس تۇرعىنىنا ۇرلانعان 4 جىلقىسى قايتارىلدى.
12 تامىز كۇنى قازالى اۋدانىنىڭ 46 جاستاعى تۇرعىنى جايىلىمنان 4 جىلقىسىنىڭ ۇرلانعاندىعى تۋرالى پوليتسياعا ارىز بەردى.
دەرەۋ ىزدەۋ جۇمىستارىنا كىرىسكەن پوليتسەيلەر كوپ ۇزاماي بارىمتاشىنى قولعا ءتۇسىردى.
قازىرگى ۋاقىتتا ۇستالعان كۇدىكتى ازاماتقا قاتىستى قازاقستان رەسپۋبليكاسى قىلمىستىق كودەكسىنىڭ 188-1-بابىنىڭ 1-بولىگىمەن سوتقا دەيىنگى تەرگەپ-تەكسەرۋ امالدارى جۇرگىزىلىپ جاتىر.
– بۇگىندە ەلىمىزدىڭ بارلىق اۋماعىندا كەڭ ەتەك الىپ وتىرعان مال ۇرلىعى قىلمىستارىنىڭ تىركەلۋى وبلىس بويىنشا بىلتىرعى جىلمەن سالىستىرعاندا 37,4 پايىزعا, ياعني 230-دان 144-كە تومەندەدى. مال ۇرلىعىمەن اينالىسقان جالپى 67 ادامنان, ونىڭ ىشىندە 13 قىلمىستىق توپ قۇرىقتالىپ, سول توپتارمەن جاسالعان 43 ەپيزود قۇرايتىن قىلمىستارى اشكەرەلەندى,– دەيدى قىزىلوردا وبلىسى پوليتسيا دەپارتامەنتى باستىعىنىڭ ورىنباسارى سەرىك شالقاروۆ.
