ايماقتار • 14 تامىز، 2020

اۋىلدا 90 ورىندىق بالاباقشا اشىلدى

77 رەت كورسەتىلدى

قازالى اۋدانىنىڭ اقسۋات اۋىلىندا 90 ورىندىق «بالاۋسا» بالاباقشاسى پايدالانۋعا بەرىلدى. جاڭا بالاباقشانىڭ اشىلۋ سالتاناتىنا اۋدان اكىمى مۇرات ەرگەشباەۆ قاتىسىپ، اۋىل تۇرعىندارىنىڭ قۋانىشىن ءبولىستى.

– وزدەرىڭىز بىلەسىزدەر، قازىر قازالى اۋدانى قارقىندى قۇرىلىس الاڭىنا اينالعان. سوڭعى 2 جىلدىڭ وزىندە كوپتەگەن نىساندار سالىنىپ، پايدالانۋعا بەرىلدى. ونىڭ ەڭ ءىرىسى رەتىندە سىرداريا وزەنىندە «السەيىت» تەمىر-بەتون كوپىرىن، ايتەكە بي كەنتىندەگى 6 كوپ قاباتتى تۇرعىن ۇيلەردىڭ قۇرىلىسىن ايتساق بولادى. بۇعان دەيىن اقسۋات اۋىلىنىڭ وزىنەن الەۋمەتتىك ماڭىزى بار 2 بىردەي نىساننىڭ قۇرىلىسى باستالعان بولاتىن.بۇگىن مىنە سونىڭ ءبىرى 90 ورىندىق «بالاۋسا» بالاباقشاسى پايدالانۋعا بەرىلۋدە، – دەگەن مۇرات ءنالحوجا ۇلى بالاباقشا مەڭگەرۋشىسى شىنار مۇبەرەكوۆاعا باعالى سىيلىقتى تابىس ەتتى.

جاڭا عيماراتتىڭ اشىلۋ سالتاناتىندا اۋىل تۇرعىندارى قۋانىشتارىن جاسىرا المادى.

اقسۋات اۋىلى مەملەكەت قامقورلىعىنان شەت قالىپ جاتقان جوق. ماسەلەن، ءبىزدىڭ اۋىلدا وتكەن جىلى اباتتاندىرۋ جۇمىستارى جۇرگىزىلىپ، ورتالىق ساياباق سالىنعان بولاتىن. مىنە، بۇگىن دە ءبىز ءۇشىن ەرەكشە كۇن بولىپ تۇر. بۇعان دەيىن بالاباقشا سالۋ تۋرالى ماسەلە كوتەرگەن بولاتىنبىز. كوپ ۋاقىت وتپەي-اق اۋىل ىشىنەن زاماناۋي ۇلگىدەگى ءزاۋلىم عيمارات سالىنىپ، بۇلدىرشىندەردىڭ جان-جاقتى تاربيە الۋىنا مۇمكىندىك تۋىپ وتىر. نەمەرەلەرىمىز ەندى جاڭا بالاباقشاعا بارادى. اۋىل ورتالىعىنان مەملەكەتتىك باعدارلاما اياسىندا 150 ورىندىق كلۋبتىڭ قۇرىلىسى ءجۇرىپ جاتىر. اماندىق بولسا ول دا جاقىن كۇندەرى اياقتالىپ، ەلدىڭ يگىلىگىنە پايدالانۋعا بەرىلمەكشى، – دەدى اقسۋات اۋىلدىق ارداگەرلەر كەڭەسىنىڭ توراعاسى قۋانىش رزاحانوۆ.

ايتا كەتەيىك، بۇل نىساننىڭ سالىنۋىنا بيۋدجەتتەن 396،8 ملن تەڭگە قارجى ءبولىندى. ەكى قاباتتى ساۋلەتتى عيماراتتى «وريونLTD» جشس ساپالى ەتىپ سالىپ شىقتى.

بالاباقشا 90 ورىنعا ارنالعان. ونىڭ ىشىندە 2 توپ 15 بالادان، 3 توپ 20 بالادان ورنالاسادى. ونىڭ اۋماعىندا نەگىزگى عيماراتپەن قاتار، 5 توپقا ارنايى ويىن الاڭى بار.

 

سوڭعى جاڭالىقتار

ۇقساس جاڭالىقتار