ايماقتار • 14 تامىز، 2020

اتىراۋدا ماس جۇرگىزۋشى 8 جىلعا كولىك جۇرگىزۋ قۇقىعىنان ايىرىلدى

113 رەت كورسەتىلدى

اراق ءىشىپ، رۋلگە وتىرعانىمەن قويماي، اۋدارىلىپ قالعان جۇرگىزۋشى ەندى 8 جىل بويى كولىك جۇرگىزبەيدى. سوت وعان وسىنداي جازا قولداندى.

وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا قاراعاندا، 12 تامىزدا ساعات 23:10 شاماسىندا «اتىراۋ-استراحان» باعىتىنداعى جولدا جانارماي تاسيتىن «كاماز» كولىگى اۋدارىلعان. جۇرگىزۋشىسى   يساتاي اۋدانىنداعى اقساي وزەگى ۇستىنەن سالىنعان كوپىرگە كەلگەندە رۋلگە يە بولا الماي قالعان. سەبەبى...

«اۋدارىلعان «كاماز» كولىگىنىڭ جۇرگىزۋشىسى الكوگولدىك ىشىمدىك ءىشىپ، ماس كۇيىندە رۋلگە وتىرعان. ول –قىزىلقوعا اۋدانىنداعى  ساعىز سەلوسىنىڭ 32 جاستاعى تۇرعىنى. جۇرگىزۋشىگە قاتىستى قر اكىمشىلىك قۇقىقبۇزۋشىلىق تۋرالى كودەكستىڭ 608-بابىمەن اكىمشىلىك حاتتاما تولتىرىلدى. قۇقىق بۇزۋشى يساتاي اۋداندىق سوتىنىڭ قاۋلىسىمەن   8 جىلعا كولىك جۇرگىزۋ قۇقىعىنان ايىرىلىپ، 20 كۇنگە اكىمشىلىك قاماۋعا الىندى» -دەپ حابارلادى دەپارتامەنتتىڭ ءباسپاسوز قىزمەتى.

 

سوڭعى جاڭالىقتار

شەكتەن شىققان احۋال جوق

ايماقتار • بۇگىن، 15:02

ۇقساس جاڭالىقتار